ਕੇਸਰੀ ਵਿਰਾਸਤ ਨਿਊਜ਼ ਨੈੱਟਵਰਕ- ਯੂਪੀ ਦੇ ਆਗਰਾ ਵਿਚ ਰਾਧਾ ਸੁਆਮੀ ਸਤਿਸੰਗ ਸਭਾ ਵੱਲੋਂ ਸ਼ਨੀਵਾਰ ਸਵੇਰੇ ਦਿਆਲਬਾਗ ਇਲਾਕੇ ਦੇ ਮੌਜਾ ਜਗਨਪੁਰ ਅਤੇ ਖਾਸਪੁਰ ‘ਚ ਸਰਕਾਰੀ ਜ਼ਮੀਨ ‘ਤੇ ਕੀਤੇ ਗਏ ਕਬਜ਼ੇ ਉੱਪਰ ਪ੍ਰਸ਼ਾਸਨ ਨੇ ਬੁਲਡੋਜ਼ਰ ਚਲਾਉਣ ਦਾ ਕੰਮ ਸ਼ੁਰੂ ਕਰ ਦਿੱਤਾ।

ਕਬਜ਼ੇ ਵਾਲੀ ਜ਼ਮੀਨ ਦੇ ਕੁਝ ਹਿੱਸੇ ਨੂੰ ਢਾਹ ਕੇ ਪ੍ਰਸ਼ਾਸਨ ਨੇ ਆਪਣੇ ਬੁਲਡੋਜ਼ਰ ਡੁੱਬੇ ਖੇਤਰ ਵੱਲ ਨਾਜਾਇਜ਼ ਉਸਾਰੀਆਂ ਢਾਹੁਣ ਲਈ ਮੋੜ ਦਿੱਤੇ ਹਨ। ਇਸ ਦੌਰਾਨ ਸੰਘਰਸ਼ ਅਤੇ ਤਣਾਅ ਦੇ ਹਾਲਾਤ ਵੀ ਬਣੇ ਪਰ, ਵੱਡੀ ਗਿਣਤੀ ਵਿੱਚ ਪੀਏਸੀ ਅਤੇ ਪੁਲਿਸ ਫੋਰਸ ਨਾਲ ਪਹੁੰਚੇ ਅਧਿਕਾਰੀਆਂ ਨੇ ਆਪਣੀ ਕਾਰਵਾਈ ਜਾਰੀ ਰੱਖੀ।

ਪ੍ਰਸ਼ਾਸਨ ਨੇ ਹੋਰ ਸਮਾਂ ਨਹੀਂ ਦਿੱਤਾ

ਦਿਆਲਬਾਗ ਇਲਾਕੇ ਦੇ ਮੌਜਾ ਜਗਨਪੁਰ ਅਤੇ ਖਾਸਪੁਰ ਵਿੱਚ ਰਾਧਾ ਸੁਆਮੀ ਸਤਿਸੰਗ ਸਭਾ ਵੱਲੋਂ ਸਰਕਾਰੀ ਜ਼ਮੀਨਾਂ ਦੇ ਕਬਜ਼ੇ ਹਟਾਉਣ ਦੀ ਸਮਾਂ ਸੀਮਾ ਸ਼ੁੱਕਰਵਾਰ ਨੂੰ ਖ਼ਤਮ ਹੋ ਗਈ ਸੀ। ਸਤਿਸੰਗ ਸਭਾ ਨੇ ਪ੍ਰਸ਼ਾਸਨ ਤੋਂ ਹੋਰ ਸਮਾਂ ਮੰਗਿਆ ਸੀ। ਪ੍ਰਸ਼ਾਸਨ ਨੇ ਇਨਕਾਰ ਕਰ ਦਿੱਤਾ ਸੀ। ਸ਼ਨੀਵਾਰ ਸਵੇਰੇ ਪੁਲਸ ਅਤੇ ਪ੍ਰਸ਼ਾਸਨ ਨੇ ਸਰਕਾਰੀ ਜ਼ਮੀਨ ਤੋਂ ਕਬਜ਼ੇ ਹਟਾਉਣ ਦੀ ਕਾਰਵਾਈ ਸ਼ੁਰੂ ਕਰ ਦਿੱਤੀ। ਪੀਏਸੀ ਨੂੰ ਸਵੇਰੇ ਸੱਤ ਵਜੇ ਹੀ ਬੁਲਾਇਆ ਗਿਆ ਸੀ।

ਬੁਲਡੋਜ਼ਰ ਨੇ ਐਨਕਲੇਵ ਨੂੰ ਢਾਹਿਆ

ਦੂਜੇ ਪਾਸੇ ਸਤਿਸੰਗੀ ਵੀ ਵੱਡੀ ਗਿਣਤੀ ਵਿੱਚ ਇਕੱਠੇ ਹੋਏ। ਇਸ ਕਾਰਨ ਕਬਜ਼ੇ ਹਟਾਉਣ ਦੀ ਕਾਰਵਾਈ ਦੌਰਾਨ ਟਕਰਾਅ ਦੀ ਸਥਿਤੀ ਬਣੀ ਰਹੀ। ਪ੍ਰਸ਼ਾਸਨਿਕ ਅਧਿਕਾਰੀ ਸਵੇਰੇ 10.45 ਵਜੇ ਬੁਲਡੋਜ਼ਰ ਲੈ ਕੇ ਪੁੱਜੇ ਅਧਿਕਾਰੀਆਂ ਨੇ ਨਾਜਾਇਜ਼ ਕਬਜ਼ੇ ਢਾਹੁਣ ਦਾ ਕੰਮ ਸ਼ੁਰੂ ਕਰ ਦਿੱਤਾ। ਇਸ ਵਾਰ ਪ੍ਰਸ਼ਾਸਨ ਨੇ ਰਾਧਾ ਸੁਆਮੀ ਸਤਿਸੰਗ ਸਭਾ ਦੀ ਕਬਜ਼ੇ ਵਾਲੀ ਜ਼ਮੀਨ ਨੂੰ ਖਾਲੀ ਕਰਵਾਉਣ ਲਈ ਕਾਗਜ਼ਾਂ ‘ਤੇ ਪੂਰੀ ਤਿਆਰੀ ਕਰ ਲਈ ਸੀ । ਪ੍ਰਸ਼ਾਸਨ ਨੇ ਸਤਿਸੰਗ ਸਭਾ ਨੂੰ ਉਚਿਤ ਨੋਟਿਸ ਦੇ ਕੇ ਕਬਜ਼ਾ ਹਟਾਉਣ ਦਾ ਸਮਾਂ ਦਿੱਤਾ ਤਾਂ ਜੋ ਸਤਿਸੰਗ ਸਭਾ ਕਾਨੂੰਨੀ ਮੁਸੀਬਤ ਵਿੱਚ ਨਾ ਫਸਾਅ ਸਕੇ।