ਕੇਸਰੀ ਵਿਰਾਸਤ ਨਿਊਜ਼ ਨੈੱਟਵਰਕ- Kulhad Pizza Couple ਦਾ ਵਿਵਾਦਾਂ ਨਾਲ ਚੋਲੀ ਦਾਮਨ ਵਾਲਾ ਸਾਥ ਹੋ ਗਿਆ ਲੱਗਦਾ ਹੈ। ਇਹ ਮਸ਼ਹੂਰ ਜੋੜਾ ਇਨ੍ਹੀਂ ਦਿਨੀਂ ਸੋਸ਼ਲ ਮੀਡੀਆ ਉੱਪਰ ਵਾਇਰਲ ਹੋ ਰਹੀਆਂ ਨਿੱਜੀ ਪਲਾਂ ਦੀ ਅਸ਼ਲੀਲ ਵੀਡੀਓਜ ਕਾਰਨ ਸੁਰਖੀਆਂ ‘ਚ ਹੈ। ਹਾਲਾਂਕਿ ਇਹ ਪਹਿਲੀ ਵਾਰ ਨਹੀਂ ਹੈ ਜਦੋਂ ਉਨ੍ਹਾਂ ਦਾ ਨਾਂ ਕਿਸੇ ਵਿਵਾਦ ਨਾਲ ਜੁੜਿਆ ਹੋਵੇ ਪਰ ਇਸ ਵਾਰ ਕੁਝ ਜ਼ਿਆਦਾ ਹੀ ਹੋ ਗਿਆ।

ਕੁਲੜ ਪੀਜ਼ਾ ਕਪਲ ਵਜੋਂ ਮਸ਼ਹੂਰ ਸਹਿਜ ਅਰੋੜਾ ਤੇ ਗੁਰਪ੍ਰੀਤ ਕੌਰ ਇਕ ਬੱਚੇ ਦੇ ਮਾਤਾ-ਪਿਤਾ ਬਣ ਗਏ ਹਨ। ਜਦਕਿ ਦੂਜੇ ਪਾਸੇ ਉਹਨਾ ਦੀ ਖੁਸ਼ੀ ਨੂੰ ਗ੍ਰਿਹਣ ਵੀ ਲੱਗ ਗਿਆ ਹੈ। ਕੁਲੜ ਪੀਜ਼ਾ ਦੀ ਸ਼ੁਰੂਆਤ ਜਲੰਧਰ ‘ਚ ਇਕ ਠੇਲੇ ਤੋਂ ਹੋਈ ਅਤੇ ਉਹ ਸੋਸ਼ਲ ਮੀਡੀਆ ‘ਤੇ ਕੁਲੜ ਪੀਜ਼ਾ ਨਾਲ ਸਬੰਧਤ ਪੋਸਟ ਕਰਦੇ ਸੀ ਪਰ ਇਕ ਵਾਰ ਕਿਸੇ ਫੂਡ ਬਲੌਗਰ ਨੇ ਉਨ੍ਹਾਂ ਦੇ ਸਟਾਲ ‘ਤੇ ਜਾ ਕੇ ਉਹਨਾ ਦਾ ਤਜ਼ਰਬਾ ਸਾਂਝਾ ਕੀਤਾ ਤੇ ਵੀਡੀਓ ਜਲਦੀ ਵਾਇਰਲ ਹੋ ਗਈ ।

ਇਸ ਤੋਂ ਬਾਅਦ ਉਸ ਦੇ ਕੁਲੜ ਪੀਜ਼ਾ ਦੀ ਪ੍ਰਸਿੱਧੀ ਜਲੰਧਰ ਤੋਂ ਲੈ ਕੇ ਆਸ-ਪਾਸ ਦੇ ਸ਼ਹਿਰਾਂ ਤਕ ਵਧ ਗਈ। ਬਹੁਤ ਸਾਰੇ ਯੂਟਿਊਬਰ ਉਨ੍ਹਾਂ ਦੇ ਸਟਾਲ ‘ਤੇ ਪਹੁੰਚਣਗੇ ਤੇ ਉਨ੍ਹਾਂ ਦੀ ਵੀਡੀਓ ਬਣਾਉਂਦੇ। ਕੁਲੜ ਪੀਜ਼ਾ ਕਪਲ ਦੇ ਯੂਟਿਊਬ ‘ਤੇ ਤਿੰਨ ਲੱਖ ਤੋਂ ਵੱਧ ਸਬਸਕ੍ਰਾਈਬਰ ਤੇ ਇੰਸਟਾਗ੍ਰਾਮ ‘ਤੇ ਅੱਠ ਲੱਖ ਦੇ ਕਰੀਬ ਫਾਲੋਅਰਜ਼ ਹਨ। ਜਦੋਂ ਇਹ ਜੋੜਾ ਹਥਿਆਰਾਂ ਦੇ ਵਿਵਾਦ ‘ਚ ਉਲਝਿਆ ਸੀ, ਤਾਂ ਉਹ ਲੰਬੇ ਸਮੇਂ ਤੋਂ ਟਰੈਂਡ ‘ਚ ਰਹੇ ਸਨ।

Kulhad Pizza ਦੇ ਮਾਲਕ ਸਹਿਜ ਅਰੋੜਾ ਨੇ ਹਾਲ ਹੀ ‘ਚ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ ‘ਤੇ ਇਕ ਵੀਡੀਓ ਸ਼ੇਅਰ ਕਰਕੇ ਕਿਹਾ ਸੀ ਕਿ ਇਹ ਉਨ੍ਹਾਂ ਨੂੰ ਬਦਨਾਮ ਕਰਨ ਦੀ ਸਾਜ਼ਿਸ਼ ਹੈ। ਉਸ ਦੀ ਅਸ਼ਲੀਲ ਵੀਡੀਓ ਇੰਟਰਨੈੱਟ ‘ਤੇ ਵਾਇਰਲ ਹੋਣ ਤੋਂ ਬਾਅਦ ਸੋਸ਼ਲ ਮੀਡੀਆ ‘ਤੇ ਉਸ ਦੇ ਮੀਮ ਬਣਨੇ ਸ਼ੁਰੂ ਹੋ ਗਏ ਹਨ। ਹਾਲਾਂਕਿ ਜੋੜੇ ਨੇ ਇਸ ਵੀਡੀਓ ਨੂੰ ਫਰਜ਼ੀ ਦੱਸਿਆ ਹੈ। ਨਾਲ ਹੀ ਲੋਕਾਂ ਨੂੰ ਇਸ ਵੀਡੀਓ ਨੂੰ ਨਾ ਦੇਖਣ ਦੀ ਅਪੀਲ ਕੀਤੀ ਹੈ।

ਇੰਟਰਨੈੱਟ ‘ਤੇ ਵਾਇਰਲ ਹੋ ਰਹੇ ਮੀਮਜ਼ ਤੋਂ ਦੁਖੀ, ਸਹਿਜ ਨੇ ਸ਼ੁੱਕਰਵਾਰ ਨੂੰ ਆਪਣੇ ਇੰਸਟਾਗ੍ਰਾਮ ‘ਤੇ ਰੋਂਜੇ ਗੋਏ ਇਕ ਹੋਰ ਵੀਡੀਓ ਸਾਂਝੀ ਕਰਕੇ ਦੱਸਿਆ ਕਿ ਬਲੈਕਮੇਲ ਕਰਨ ਵਾਲੀ ਔਰਤ ਨੇ ਉਸ ਨੂੰ ਇਕ ਬਲਾਗਰ ਨਾਲ ਮਿਲ ਕੇ ਫਸਾਇਆ ਸੀ। ਸਹਿਜ ਨੇ ਮੋਬਾਈਲ ‘ਤੇ ਸੰਦੇਸ਼ ਵੀ ਦਿਖਾਏ, ਜਿਸ ‘ਚ ਇਕ ਔਰਤ ਉਸ ਤੋਂ ਪੈਸਿਆਂ ਦੀ ਮੰਗ ਕਰ ਰਹੀ ਹੈ। ਉਸ ਨੇ ਧਮਕੀ ਵੀ ਦਿੱਤੀ ਕਿ ਜੇਕਰ ਪੈਸੇ ਨਾ ਦਿੱਤੇ ਤਾਂ ਉਹ ਵੀਡੀਓ ਇੰਟਰਨੈੱਟ ‘ਤੇ ਵਾਇਰਲ ਕਰ ਦੇਵੇਗੀ। ਇਸ ਤੋਂ ਬਾਅਦ ਉਸ ਨੇ ਪੈਸੇ ਦੇਣ ਤੋਂ ਇਨਕਾਰ ਕਰ ਦਿੱਤਾ ਅਤੇ ਪੁਲਸ ਦੀ ਮਦਦ ਲਈ। ਇਸ ਤੋਂ ਬਾਅਦ ਹੀ ਦੋਸ਼ੀ ਔਰਤ ਨੇ ਇਤਰਾਜ਼ਯੋਗ ਵੀਡੀਓ ਵਾਇਰਲ ਕਰ ਦਿੱਤੀ।