ਗਦਰ-2′ ਦੇਖ ਕੇ ਨੌਜਵਾਨ ਨੇ ਲਾਇਆ ਹਿੰਦੁਸਤਾਨ ਜ਼ਿੰਦਾਬਾਦ ਦਾ ਨਾਅਰਾ ਤਾਂ ਨਾਰਾਜ਼ ਫਿਰਕੂ ਅਨਸਰਾਂ ਨੇ ਕੁੱਟ ਕੁੱਟ ਮੌਤ ਦੇ ਘਾਟ ਉਤਾਰਿਆ

ਕੇਸਰੀ ਵਿਰਾਸਤ ਨਿਊਜ਼ ਨੈੱਟਵਰਕ: ਛੱਤੀਸਗੜ੍ਹ ਦੇ ਦੁਰਗ ਵਿੱਚ ਇੱਕ ਨੌਜਵਾਨ ਨੂੰ ਗਦਰ-2 ਦੇਖ ਕੇ ਹਿੰਦੁਸਤਾਨ ਜ਼ਿੰਦਾਬਾਦ ਦਾ ਨਾਅਰਾ ਲਾਉਣਾ ਮਹਿੰਗਾ ਪਿਆ। ਉਸ ਦੇ ਨਾਅਰੇਬਾਜ਼ੀ ਤੋਂ ਗੁੱਸੇ ‘ਚ ਆ ਕੇ ਉਸ ਦੇ ਕੁਝ ਫਿਰਕਾ ਪ੍ਰਸਤ ਸਾਥੀਆਂ ਨੇ ਉਸ ਦੀ ਕੁੱਟ-ਕੁੱਟ ਕੇ ਹੱਤਿਆ ਕਰ ਦਿੱਤੀ। ਪੁਲੀਸ ਨੇ ਸਾਰੇ ਮੁਲਜ਼ਮਾਂ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ ਪਰ ਵਿਰੋਧੀ ਪਾਰਟੀ ਭਾਜਪਾ ਨੇ ਪੁਲੀਸ ’ਤੇ ਕਾਂਗਰਸੀ ਆਗੂਆਂ ਦੇ ਦਬਾਅ ਹੇਠ ਕੰਮ ਕਰਨ ਦਾ ਦੋਸ਼ ਲਾਇਆ ਹੈ।

ਛੱਤੀਸਗੜ੍ਹ ਦੇ ਦੁਰਗ ਜ਼ਿਲੇ ਦੇ ਖੁਰਸੀਪਰ ਥਾਣਾ ਖੇਤਰ ਦੇ ਆਈਟੀਆਈ ਗਰਾਊਂਡ ਵਿੱਚ ਇਹ ਵਾਰਦਾਤ ਵਾਪਰੀ। ਦਰਅਸਲ ਸ਼ਨੀਵਾਰ ਸ਼ਾਮ ਆਈਟੀਆਈ ਗਰਾਊਂਡ ‘ਚ ਦੋ ਨੌਜਵਾਨ ਮੋਬਾਈਲ ‘ਤੇ ਐਕਟਰ ਸੰਨੀ ਦਿਓਲ ਦੀ ਨਵੀਂ ਫਿਲਮ ਗਦਰ-2 ਦੇਖ ਰਹੇ ਸਨ। ਇਸ ਦੌਰਾਨ ਜਦੋਂ ਮਲਕੀਤ ਸਿੰਘ ਨੇ ਕਿਸੇ ਸੀਨ ‘ਤੇ ਆਪਣਾ ਪ੍ਰਤੀਕਰਮ ਦਿੱਤਾ ਤਾਂ ਕੋਲ ਖੜ੍ਹੇ ਖਾਸ ਭਾਈਚਾਰੇ ਦੇ ਲੜਕਿਆਂ ਨੇ ਉਸ ਨੂੰ ਲੱਤਾਂ-ਬਾਹਾਂ ਨਾਲ ਬੇਤਹਾਸ਼ਾ ਕੁੱਟਿਆ। ਜਦੋਂ ਪਰਿਵਾਰਕ ਮੈਂਬਰਾਂ ਨੂੰ ਘਟਨਾ ਦਾ ਪਤਾ ਲੱਗਾ ਤਾਂ ਉਹ ਉਸ ਨੂੰ ਸਥਾਨਕ ਹਸਪਤਾਲ ਲੈ ਗਏ, ਜਿੱਥੇ ਉਸ ਦੀ ਹਾਲਤ ਜ਼ਿਆਦਾ ਖਰਾਬ ਹੋਣ ‘ਤੇ ਉਸ ਨੂੰ ਰਾਏਪੁਰ ਰੈਫਰ ਕਰ ਦਿੱਤਾ ਗਿਆ, ਜਿੱਥੇ ਇਲਾਜ ਦੌਰਾਨ ਸਵੇਰੇ 4 ਵਜੇ ਦੇ ਕਰੀਬ ਉਸ ਦੀ ਮੌਤ ਹੋ ਗਈ।