ਜਲੰਧਰ (ਕੇਸਰੀ ਨਿਊਜ਼ ਨੈੱਟਵਰਕ)- ਕੁਲਦੀਪ ਸਿੰਘ ਚਾਹਲ , ਕਮਿਸ਼ਨਰ ਪੁਲਿਸ ਜਲੰਧਰ ਵੱਲੋਂ ਦਿੱਤੇ ਗਏ ਦਿਸ਼ਾ ਨਿਰਦੇਸ਼ਾਂ ਅਨੁਸਾਰ ਕਮਲਪ੍ਰੀਤ ਸਿੰਘ ਚਾਹਲ ਏ ਡੀ ਸੀ ਪੀ. ਅਤੇ ਸ੍ਰੀ ਦਮਨ ਬੀਰ ਸਿੰਘ, ਏ.ਸੀ.ਪੀ ਨੋਰਥ ਵੱਲੋਂ ਇੰਸਪੈਕਟਰ ਪਰਦੀਪ ਸਿੰਘ ਮੁੱਖ ਅਫਸਰ ਥਾਣਾ ਡਵੀਜਨ ਨੰਬਰ 8 ਕਮਿਸ਼ਨਰੇਟ ਜਲੰਧਰ ਅਤੇ ਐਸ ਆਈ ਬਲਜਿੰਦਰ ਸਿੰਘ ਇੰਚਾਰਜ ਚੌਂਕੀ ਫੋਕਲ ਪੁਆਇੰਟ ਦੀ ਗਠਤ ਕੀਤੀ ਗਈ ਟੀਮ ਨੇ ਗੁੰਮਸ਼ੁਦਾ ਦੋ ਨਾਬਾਲਗ ਬੱਚਿਆਂ ਨੂੰ ਬਰਾਮਦ ਕਰਕੇ ਮਾਪਿਆਂ ਹਵਾਲੇ ਕਰਨ ਵਿੱਚ ਸਫਲਤਾ ਹਾਸਲ ਕੀਤੀ ਹੈ। 

ਜਾਣਕਾਰੀ ਦਿੰਦੇ ਹੋਏ ਥਾਣਾ ਮੁਖੀ ਪਰਦੀਪ ਸਿੰਘ ਨੇ ਦੱਸਿਆ ਕਿ 27 ਮਈ ਨੂੰ ਸਨੋਜ ਪੁੱਤਰ ਰਾਜ ਕੁਮਾਰ ਵਾਸੀ ਪਿੰਡ ਬਗਵਾ ਥਾਣਾ ਬੜਾ ਆਗ ਜਿਲਾ ਪੂਰਨੀਆ ਬਿਹਾਰ ਹਾਲ ਵਾਸੀ ਮੇਜਰ ਕਲੋਨੀ ਗਦਈਪੁਰ ਜਲੰਧਰ ਉਮਰ ਕਰੀਬ 10 ਸਾਲ ਅਤੇ ਉਸ ਦਾ ਛੋਟਾ ਭਰਾ ਮਨੋਜ ਉਮਰ ਕਰੀਬ 8 ਸਾਲ ਜੋ ਬਿਨਾ ਦੱਸੋ ਪੁੱਛੇ ਆਪਣੇ ਘਰ ਮੇਜਰ ਕਲੋਨੀ ਗਦਈਪੁਰ ਤੋਂ ਕਿਧਰੇ ਚਲੇ ਗਏ ਸਨ। ਉਨ੍ਹਾਂ ਦੀ ਭਾਲ ਲਈ ਟੀਮ ਵੱਲੋ ਵੱਖ ਵੱਖ ਪੁਲਿਸ ਪਾਰਟੀਆਂ ਰੇਲਵੇ ਸਟੇਸਨਾਂ, ਬੱਸ ਸਟੈਂਡ ਅਤੇ ਹੋਰ ਜਨਤਕ ਥਾਵਾ ਤੇ ਭੇਜੀਆਂ ਸੀ ਅਤੇ ਜੀ ਆਰ ਪੀ ਦੇ ਥਾਣਾ ਨਾਲ ਵੀ ਸੰਪਰਕ ਕੀਤਾ ਗਿਆ ਸੀ। ਉਕਤ ਦੋਨੋਂ ਬੱਚਿਆਂ ਦੀ ਭਾਲ ਲਈ ਟੀਮ ਵੱਲੋ ਅਖਬਾਰਾਂ ਰਾਹੀਂ, ਜਨਤਕ ਥਾਵਾ ਤੇ ਇਸਤਿਹਾਰ ਲਗਾ ਕੇ ਅਤੇ ਹੋਰ ਸੋਸਲ ਮੀਡੀਆ ਰਾਹੀਂ ਬੱਚਿਆ ਦੀ ਭਾਲ ਲਈ ਉਪਰਾਲੇ ਕੀਤੇ ਸੀ। ਟੀਮ ਵੱਲੋਂ ਬੱਚਿਆਂ ਦੀ ਭਾਲ ਕਰਦੇ ਸਮੇਂ ਰੇਲਵੇ ਸਟੇਸ਼ਨ ਜਲੰਧਰ ਦੇ ਨਜਦੀਕ ਦੋਮੋਰੀਆ ਪੁੱਲ ਦੇ ਹੇਠਾਂ ਤੋਂ ਦੋਨੋ ਬੱਚਿਆਂ ਨੂੰ ਬ੍ਰਾਮਦ ਕੀਤਾ ਗਿਆ ਹੈ। ਬੱਚਿਆ ਨੇ ਦੱਸਿਆ ਕਿ ਉਹ ਮਿਤੀ 27.05.2023 ਨੂੰ ਹੀ ਆਪਣੇ ਮਾਤਾ ਪਿਤਾ ਦੇ ਨਾਲ ਬਿਹਾਰ ਤੋਂ ਜਲੰਧਰ ਆਏ ਸੀ। ਉਸ ਦੇ ਮਾਤਾ ਪਿਤਾ ਘਰੇ ਸਮਾਨ ਲੈਣ ਚਲੇ ਗਏ ਸੀ ਥੋੜੀ ਦੇਰ ਬਾਅਦ ਹੀ ਉਹ ਦੋਨੋਂ ਜਾਣੇ ਵੀ ਘਰੋਂ ਬਾਹਰ ਬਜਾਰ ਸਾਈਡ ਆ ਗਏ ਸੀ ਪਰ ਉਹਨਾ ਨੂੰ ਰਸਤੇ ਬਾਰੇ ਪਤਾ ਨਹੀਂ ਸੀ ਜਿਸ ਕਰਕੇ ਉਹ ਆਪਣੇ ਘਰ ਦਾ ਰਸਤਾ ਭੁੱਲ ਗਏ ਸੀ ਅਤੇ 2/3 ਦਿਨ ਉਹ ਰੇਲਵੇ ਸਟੇਸ਼ਨ ਦੇ ਕੋਲ ਹੀ ਸੌਂ ਜਾਂਦੇ ਸੀ।ਦੋਨੋਂ ਬੱਚਿਆ ਨੂੰ ਉਹਨਾਂ ਦੇ ਪਿਤਾ ਰਾਜ ਕੁਮਾਰ ਅਤੇ ਮਾਤਾ ਰਜਨੀ ਦੇਵੀ ਦੇ ਹਵਾਲੇ ਕੀਤੇ ਗਏ।