ਜਲੰਧਰ, (ਕੇਸਰੀ ਨਿਊਜ਼ ਨੈੱਟਵਰਕ) – ਹੰਸਰਾਜ ਮਹਿਲਾ ਮਹਾਵਿਦਿਆਲਾ, ਜਲੰਧਰ ਦੇ ਪੀਜੀ ਵਿਭਾਗ ਸਾਈਕੋਲੋਜੀ ਅਤੇ ਐਨਸੀਸੀ ਯੂਨਿਟ ਦੇ ਸੰਯੁਕਤ ਸਹਿਯੋਗ ਨਾਲ ਪਿ੍ਰੰਸੀਪਲ ਪ੍ਰੋ. ਡਾ. (ਸ਼੍ਰੀਮਤੀ) ਅਜੇ ਸਰੀਨ ਦੀ ਦੇਖਰੇਖ ਹੇਠ ਲੀਡਰਸ਼ਿਪ ਤਾਓ ਵਿਸ਼ੇ ਤੇ ਇਕ ਦਿਨਾ ਵਰਕਸ਼ਾਪ ਦਾ ਆਯੋਜਨ ਕੀਤਾ ਗਿਆ। ਬਤੌਰ ਰਿਸੋਰਸ ਪਰਸਨ ਕਰਨਲ ਅਜੈਦੀਪ ਸਿੰਘ ਡਾਲੀ ਮੌਜੂਦ ਸਨ। ਡੀਨ ਯੂਥ ਵੈਲਫੇਅਰ ਸ਼੍ਰੀਮਤੀ ਨਵਰੂਪ, ਸਾਈਕੋਲੋਜੀ ਵਿਭਾਗ ਮੁਖੀ ਡਾ. ਆਸ਼ਮੀਨ ਕੌਰ ਅਤੇ ਐਨਸੀਸੀ ਆਫਿਸਰ ਲੈਫਟੀਨੈਂਟ ਸੋਨੀਆ ਮਹੇਂਦਰੂ ਨੇ ਪਲਾਂਟਰ ਭੇਂਟ ਕਰਕੇ ਸਵਾਗਤ ਕੀਤਾ।
ਕਰਨਲ ਅਜੈਦੀਪ ਸਿੰਘ ਡਾਲੀ ਨੇ ਆਪਣੇ ਸੰਬੋਧਨ ਦੀ ਸ਼ੁਰੂਆਤ ਤਾਓ ਸ਼ਬਦ ਦਾ ਅਰਥ ਸਮਝਾਉਣ ਨਾਲ ਕੀਤੀ। ਉਨ੍ਹਾਂ ਕਿਹਾ ਕਿ ਇਸ ਸ਼ਬਦ ਦਾ ਇਸਤੇਮਾਲ ਪਹਿਲੀ ਵਾਰ ਇਕ ਚਾਇਨੀਜ਼ ਸੰਤ ਨੇ ਕੀਤਾ ਸੀ ਜਿਸਦਾ ਅਰਥ ਜੀਵਨ ਦਾ ਦਾਰਸ਼ਨਿਕ ਮਾਰਗਦਰਸ਼ਨ ਅਤੇ ਲੀਡਰਸ਼ਿਪ ਸੀ। ਉਨ੍ਹਾਂ ਨੇ ਲੀਡਰ ਸ਼ਬਦ ਦੇ ਅਰਥ ਦੀ ਵਿਆਖਿਆ ਕੀਤੀ ਅਤੇ ਦੱਸਿਆ ਕਿ ਲੀਡਰ ਵਿੱਚ ਕੀ-ਕੀ ਗੁਣ ਹੋਣੇ ਚਾਹੀਦੇ ਹਨ। ਉਨ੍ਹਾਂ ਕਿਹਾ ਕਿ ਹਰੇਕ ਵਿਅਕਤੀ ਵਿੱਚ ਲੀਡ ਕਰਨ ਦੀ ਸਮਰੱਥਾ ਹੁੰਦੀ ਹੈ। ਜੇਕਰ ਉਹ ਆਪਣੇ ਵਿਅਕਤੀਤੱਵ ਵਿੱਚ ਕੁਝ ਖਾਸ ਗੁਣਾਂ ਨੂੰ ਧਾਰਣ ਕਰ ਲਵੇ। ਸਪੱਸ਼ਟ ਤਰੀਕੇ ਨਾਲ ਸੰਚਾਰ ਕਰਨਾ, ਸਹੀ ਸਮੇਂ ਤੇ ਸਹੀ ਫੈਸਲਾ ਲੈਣਾ, ਨਿਮਰਤਾ ਅਤੇ ਦੂਜਿਆਂ ਨੂੰ ਪ੍ਰੋਤਸਾਹਿਤ ਕਰਨਾ ਚੰਗੇ ਲੀਡਰ ਦੇ ਗੁਣ ਹਨ।
ਉਨ੍ਹਾਂ ਵਿਭਿੰਨ ਲੀਡਰਾਂ ਦੇ ਉਦਾਹਰਣ ਵੀ ਦਿੱਤੇ ਜਿਨ੍ਹਾਂ ਵਿੱਚ ਸ਼੍ਰੀ ਗੁਰੂ ਤੇਗ ਬਹਾਦਰ ਜੀ, ਕਰਨਲ ਐਨ.ਐਨ. ਖੰਨਾ ਅਤੇ ਕੈਪਟਨ ਵਿਕਰਮ ਬਤਰਾ ਸ਼ਾਮਲ ਸਨ। ਪਿ੍ਰੰਸੀਪਲ ਪ੍ਰੋ. ਡਾ. (ਸ਼੍ਰੀਮਤੀ) ਅਜੇ ਸਰੀਨ ਨੇ ਵਿਦਿਆਰਥਣਾਂ ਨੂੰ ਲੀਡਰਸ਼ਿਪ ਦੇ ਗੁਣ ਧਾਰਣ ਕਰਨ ਦੀ ਪ੍ਰੇਰਣਾ ਦਿੱਤੀ। ਵਿਦਿਆਰਥਣ ਮਾਨਵੀ ਨੇ ਮੰਚ ਸੰਚਾਲਨ ਕੀਤਾ। ਲੈਫਟੀਨੈਂਟ ਸੋਨੀਆ ਮਹੇਂਦਰੂ ਨੇ ਧੰਨਵਾਦ ਪ੍ਰਸਤਾਵ ਦਿੱਤਾ। ਇਸ ਮੌਕੇ ਤੇ ਫੈਕਲਟੀ ਮੈਂਬਰ ਸ਼ਰੂਤੀ, ਵੰਸ਼ਿਕਾ ਅਤੇ ਹਰਪ੍ਰੀਤ ਕੌਰ ਵੀ ਮੌਜੂਦ ਸਨ।