ਕੇਸਰੀ ਵਿਰਾਸਤ ਨਿਊਜ਼ ਨੈੱਟਵਰਕ- ਭਾਰਤ ਸਰਕਾਰ ਨੇ ਬੰਗਲਾਦੇਸ਼ ਨੂੰ ਇਕ ਵੱਡਾ ਝਟਕਾ ਦਿੰਦੇ ਹੋਏ 17 ਮਈ 2025 ਨੂੰ, ਇੱਕ ਨੋਟੀਫਿਕੇਸ਼ਨ ਜਾਰੀ ਕਰਕੇ ਬੰਗਲਾਦੇਸ਼ ਤੋਂ ਆਉਣ ਵਾਲੇ ਰੈਡੀਮੇਡ ਕੱਪੜਿਆਂ, ਭੋਜਨ ਅਤੇ ਫਲਾਂ ਦੇ ਜੂਸ ਆਦਿ ਤੇ ਪਾਬੰਦੀ ਲਗਾ ਦਿੱਤੀ ਹੈ। 

ਨੋਟੀਫਿਕੇਸ਼ਨ ਵਿਚ ਕਿਹਾ ਗਿਆ ਹੈ ਕਿ ਇਹ ਸਾਰੀਆਂ ਚੀਜ਼ਾਂ ਸਿਰਫ ਮੁੰਬਈ ਦੀ ਨਹਾਵਾ ਸ਼ੇਵਾ ਅਤੇ ਕੋਲਕਾਤਾ ਦੀਆਂ ਸਮੁੰਦਰੀ ਬੰਦਰਗਾਹਾਂ ਰਾਹੀਂ ਹੀ ਆਉਣਗੇ ਹੋਰ ਕਿਸੇ ਵੀ ਬੰਦਰਗਾਹ ਤੋਂ ਨਹੀਂ।

ਵਣਜ ਅਤੇ ਉਦਯੋਗ ਵਿਭਾਗ ਦੇ ਅਧੀਨ, ਵਿਦੇਸ਼ੀ ਵਪਾਰ ਦੇ ਡਾਇਰੈਕਟੋਰੇਟਰੇਟ ਜਨਰਲ ਨੇ 17 ਮਈ 2025 ਨੂੰ ਇੱਕ ਨੋਟੀਫਿਕੇਸ਼ਨ ਜਾਰੀ ਕਰਕੇ ਇਹ ਜਾਣਕਾਰੀ ਦਿੱਤੀ।

ਇਹ ਫੈਸਲਾ ਬੰਗਲਾਦੇਸ਼ ਦੇ ਯੂਨਸ ਵੱਲੋਂ ਚੀਨ ਵਿਚ ਦਿੱਤੇ ਵਿਵਾਦਪੂਰਨ ਬਿਆਨ ਤੋਂ ਬਾਅਦ ਲਿਆ ਗਿਆ ਹੈ। ਜਿਸ ਵਿਚ ਯੂਨਸ ਨੇ ਕਿਹਾ ਸੀ ਕਿ ਭਾਰਤ ਦੇ ਉੱਤਰ-ਪੂਰਬੀ ਰਾਜ ਸਮੁੰਦਰ ਤੋਂ ਕੱਟੇ ਹੋਏ ਹਨ ਅਤੇ ਉਨ੍ਹਾਂ ਨੂੰ ਸਮੁੰਦਰ ਤਕ ਪਹੁੰਚਣ ਲਈ ਬੰਗਲਾਦੇਸ਼ ਦੀ ਜਰੂਰਤ ਪੈਂਦੀ ਰਹਿਣੀ ਹੈ।

ਹੁਣ ਭਾਰਤ ਦੀਆਂ ਬੰਦਰਗਾਹਾਂ (ਨਵਾ ਸ਼ੇਵਾ ਅਤੇ ਕੋਲਕਾਤਾ ਪੋਰਟਾਂ ਨੂੰ ਛੱਡ ਕੇ) ਸਾਰੀਆਂ ਕਿਸਮਾਂ ‘ਤੇ ਬੰਗਲਾਦੇਸ਼ ਤੋਂ ਆਉਣ ਵਾਲੇ ਰੈਡੀਮੇਡ ਕੱਪੜਿਆਂ,ਪਲਾਸਟਿਕ ਅਤੇ ਪੀਵੀਸੀ ਤਿਆਰ ਚੀਜ਼ਾਂ ਅਤੇ ਫਲਾਂ ਦੇ ਸਵਾਦ ਵਾਲੇ ਭੋਜਨ ਅਤੇ ਪੀਣਯੋਗ ਅਤੇ ਲੱਕੜ ਦੇ ਉਤਪਾਦਾਂ ਦੀ ਆਯਾਤ  ਉੱਪਰ ਪਾਬੰਦੀ ਲਗਾ ਦਿੱਤੀ ਹੈ।

ਇਸ ਤੋਂ ਪਹਿਲਾਂ ਭਾਰਤ ਨੇ 09 ਅਪ੍ਰੈਲ 2025 ਨੂੰ ਭਾਰਤੀ ਬੰਦਰਗਾਹਾਂ ਅਤੇ ਹਵਾਈ ਅੱਡਿਆਂ ‘ਤੇ ਭੀੜ ਦਾ ਹਵਾਲਾ ਦਿੰਦੇ ਹੋਏ ਬੰਗਲਾਦੇਸ਼ ਦੀ ਟਰਾਂਸ ਸ਼ਿਪਮੈਂਟ ਸਹੂਲਤ ਵਾਪਸ ਲੈਣ ਦਾ ਐਲਾਨ ਕੀਤਾ ਸੀ।

 ਇਸ ਸਹੂਲਤ ਦੇ ਤਹਿਤ ਬੰਗਲਾਦੇਸ਼ ਨੂੰ ਦੱਖਣੀ ਏਸ਼ੀਆ ਵਿੱਚ ਪੌਟਰੋਪੋਲ ਲੈਂਡ ਪੋਰਟ ਤੋਂ ਕੰਟੇਨਰ ਟਰੱਕ ਭੇਜਣ ਦੀ ਆਗਿਆ ਸੀ।