ਕੇਸਰੀ ਵਿਰਾਸਤ ਨਿਊਜ਼ ਨੈੱਟਵਰਕ- ਉੱਤਰ ਪ੍ਰਦੇਸ਼ ਦੇ ਹਾਥਰਸ ਵਿੱਚ 145 ਬਾਂਦਰਾਂ ਦੀ ਮੌਤ ਹੋ ਗਈ ਅਤੇ ਉਨ੍ਹਾਂ ਨੂੰ ਚੁੱਪਚਾਪ ਦਫ਼ਨਾ ਦਿੱਤਾ ਗਿਆ। ਪੁਲਸ ਦਾ ਕਹਿਣਾ ਹੈ ਕਿ ਇਨ੍ਹਾਂ ਬਾਂਦਰਾਂ ਦੀ ਮੌਤ ਅਨਾਜ ਦੇ ਗੋਦਾਮ ‘ਚ ਕੀਟਨਾਸ਼ਕ ਛਿੜਕਣ ਕਾਰਨ ਹੋਈ ਅਤੇ ਮੌਤ ਉਪਰੰਤ ਇਨ੍ਹਾਂ ਨੂੰ ਚੋਰੀ ਚੋਰੀ ਟੋਏ ‘ਚ ਦੱਬ ਦਿੱਤਾ ਗਿਆ।

ਸ਼ੂ ਡਾਕਟਰਾਂ ਦੀ ਟੀਮ ਨੇ ਦੱਬੇ ਬਾਂਦਰਾਂ ਦੀਆਂ ਲਾਸ਼ਾਂ ਨੂੰ ਪੋਸਟਮਾਰਟਮ ਲਈ ਬਾਹਰ ਕੱਢ ਲਿਆ ਹੈ। ਪੁਲੀਸ ਨੇ ਐਫਸੀਆਈ ਮੁਲਾਜ਼ਮ ਖ਼ਿਲਾਫ਼ ਕੇਸ ਦਰਜ ਕਰ ਲਿਆ ਹੈ। ਪੁਲੀਸ ਅਨੁਸਾਰ 7 ਨਵੰਬਰ ਨੂੰ ਕਣਕ ਦੀਆਂ ਬੋਰੀਆਂ ’ਤੇ ਐਲੂਮੀਨੀਅਮ ਫਾਸਫਾਈਡ (ਸਲਫਾਸ ਦੀਆਂ ਗੋਲੀਆਂ) ਪਾਈਆਂ ਗਈਆਂ ਸਨ ਤਾਂ ਜੋ ਅਨਾਜ ਨੂੰ ਕੀੜੇ-ਮਕੌੜਿਆਂ ਅਤੇ ਚੂਹਿਆਂ ਵੱਲੋਂ ਖ਼ਰਾਬ ਹੋਣ ਤੋਂ ਬਚਾਇਆ ਜਾ ਸਕੇ। ਉਸੇ ਰਾਤ ਬਾਂਦਰਾਂ ਦਾ ਇੱਕ ਸਮੂਹ ਟੁੱਟੀ ਹੋਈ ਖਿੜਕੀ ਰਾਹੀਂ ਗੋਦਾਮ ਵਿੱਚ ਦਾਖਲ ਹੋਇਆ। ਇਸ ਤੋਂ ਬਾਅਦ ਇਨ੍ਹਾਂ ਨੂੰ ਖਾਣ ਨਾਲ ਉਹਨਾ ਦੀ ਮੌਤ ਹੋ ਗਈ।

ਜਦੋਂ ਮੁਲਾਜ਼ਮਾਂ ਨੇ 9 ਨਵੰਬਰ ਨੂੰ ਗੋਦਾਮ ਖੋਲ੍ਹਿਆ ਤਾਂ ਉਨ੍ਹਾਂ ਨੂੰ ਮਰੇ ਹੋਏ ਬਾਂਦਰ ਮਿਲੇ। ਇਨ੍ਹਾਂ ਲੋਕਾਂ ਨੇ 20 ਨਵੰਬਰ ਨੂੰ  ਉਨ੍ਹਾਂ ਨੇ ਆਪਣੇ ਅਧਿਕਾਰੀਆਂ ਨੂੰ ਦੱਸੇ ਬਿਨਾਂ ਹੀ ਬਾਂਦਰਾਂ ਨੂੰ ਦੱਬ ਦਿੱਤਾ। ਇਸ ਤੋਂ ਬਾਅਦ 22 ਨਵੰਬਰ ਨੂੰ ਗਲੀਆਂ ਸੜੀਆਂ ਲਾਸ਼ਾਂ ਦਾ ਪੋਸਟਮਾਰਟਮ ਕੀਤਾ ਗਿਆ। ਜਦੋਂ ਵਿਸ਼ਵ ਹਿੰਦੂ ਪ੍ਰੀਸ਼ਦ ਨੂੰ ਇਸ ਦੀ ਸੂਚਨਾ ਮਿਲੀ ਤਾਂ  ਇਨ੍ਹਾਂ ਬਾਂਦਰਾਂ ਦੀ ਆਤਮਾ ਦੀ ਸ਼ਾਂਤੀ ਲਈ ਹਾਥਰਸ ਵਿੱਚ ਹਨੂੰਮਾਨ ਚਾਲੀਸਾ ਦਾ ਪਾਠ ਵੀ ਕੀਤਾ ਗਿਆ। ਇਸ ਮਾਮਲੇ ਵਿੱਚ ਐਫਸੀਆਈ ਦੀ ਟੀਮ ਨੇ ਵੇਅਰਹਾਊਸ ਦੇ ਮੈਨੇਜਰ ਨੀਰਜ ਸ਼ਰਮਾ ਅਤੇ ਕੁਆਲਿਟੀ ਮੈਨੇਜਰ ਬਾਬੂਲਾਲ ਮੀਨਾ ਸਮੇਤ 10 ਅਧਿਕਾਰੀਆਂ ਤੇ ਕਰਮਚਾਰੀਆਂ ਤੋਂ ਦੋ ਘੰਟੇ ਤੱਕ ਪੁੱਛਗਿੱਛ ਕੀਤੀ ਹੈ।