*ਸੈਂਸੈਕਸ 76,468 ‘ਤੇ ਅਤੇ ਨਿਫਟੀ 23,263 ‘ਤੇ ਬੰਦ ਹੋਇਆ।*

ਮੁੰਬਈ  (Kesari Virasat News Network)-ਇੱਕ ਸਾਲ ਵਿੱਚ ਸੈਂਸੈਕਸ 22% ਤੋਂ ਵੱਧ ਵਧਿਆ। ਪਿਛਲੇ ਹਫਤੇ ਦੇ ਆਖਰੀ ਕਾਰੋਬਾਰੀ ਦਿਨ ਸ਼ੁੱਕਰਵਾਰ ਨੂੰ ਸੈਂਸੈਕਸ 73,961 ‘ਤੇ ਬੰਦ ਹੋਇਆ ਸੀ। ਸੋਮਵਾਰ ਨੂੰ 2,700 ਤੋਂ ਵੱਧ ਅੰਕਾਂ ਦਾ ਵਾਧਾ ਹੋਇਆ ਸੀ। ਚੋਣ ਨਤੀਜਿਆਂ ਤੋਂ ਇਕ ਦਿਨ ਪਹਿਲਾਂ ਸ਼ੇਅਰ ਬਾਜ਼ਾਰ ‘ਚ ਰਿਕਾਰਡ ਤੇਜ਼ੀ ਦੇਖਣ ਨੂੰ ਮਿਲੀ। ਕਾਰੋਬਾਰ ਦੌਰਾਨ, ਸੈਂਸੈਕਸ 2777 ਅੰਕ ਵਧ ਕੇ 76,738 ਦੇ ਸਭ ਤੋਂ ਉੱਚੇ ਪੱਧਰ ‘ਤੇ ਪਹੁੰਚ ਗਿਆ। ਇਸ ਦੇ ਨਾਲ ਹੀ ਨਿਫਟੀ ਵੀ 808 ਅੰਕਾਂ ਦੇ ਵਾਧੇ ਨਾਲ 23,338 ਦੇ ਸਰਵਕਾਲੀ ਉੱਚ ਪੱਧਰ ‘ਤੇ ਪਹੁੰਚ ਗਿਆ।

ਹਾਲਾਂਕਿ ਬਾਅਦ ‘ਚ ਬਾਜ਼ਾਰ ਆਪਣੇ ਉਪਰਲੇ ਪੱਧਰ ਤੋਂ ਥੋੜ੍ਹਾ ਹੇਠਾਂ ਆ ਗਿਆ। ਆਈ ਅਤੇ ਸੈਂਸੈਕਸ 2,507 ਅੰਕਾਂ ਦੇ ਵਾਧੇ ਨਾਲ 76,468 ਦੇ ਪੱਧਰ ‘ਤੇ ਬੰਦ ਹੋਇਆ। ਜਦਕਿ ਨਿਫਟੀ 733 ਅੰਕ ਵਧ ਕੇ 23,263 ਦੇ ਪੱਧਰ ‘ਤੇ ਬੰਦ ਹੋਇਆ। ਸੈਂਸੈਕਸ ਦੇ 30 ਸ਼ੇਅਰਾਂ ‘ਚੋਂ 25 ਵਧੇ ਅਤੇ 5 ‘ਚ ਗਿਰਾਵਟ ਦਰਜ ਕੀਤੀ ਗਈ। ਨਿਵੇਸ਼ਕਾਂ ਦੀ ਦੌਲਤ ਵਿੱਚ ਲਗਭਗ 12 ਲੱਖ ਕਰੋੜ ਰੁਪਏ ਦਾ ਵਾਧਾ ਹੋਇਆ ਹੈ ਸ਼ੇਅਰ ਬਾਜ਼ਾਰ ‘ਚ ਇਸ ਉਛਾਲ ਦੌਰਾਨ ਨਿਵੇਸ਼ਕਾਂ ਦੀ ਦੌਲਤ ‘ਚ ਕਰੀਬ 12 ਲੱਖ ਕਰੋੜ ਰੁਪਏ ਦਾ ਵਾਧਾ ਹੋਇਆ ਹੈ। ਸ਼ੁੱਕਰਵਾਰ ਨੂੰ ਬੀਐਸਈ ਦਾ ਮਾਰਕੀਟ ਕੈਪ 4,12,12,881 ਕਰੋੜ ਰੁਪਏ ਸੀ, ਜੋ ਅੱਜ ਯਾਨੀ 3 ਜੂਨ ਨੂੰ ਵਪਾਰ ਦੌਰਾਨ ਵਧ ਕੇ 4,23,71,233 ਕਰੋੜ ਰੁਪਏ ਹੋ ਗਿਆ।