Mission Raniganj is the story of Singh who saved the lives of 65 workers

ਕੇਸਰੀ ਵਿਰਾਸਤ ਨਿਊਜ਼ ਨੈੱਟਵਰਕ- ਫਿਲਮ ‘ਮਿਸ਼ਨ ਰਾਣੀਗੰਜ’ ਦੀ ਕਹਾਣੀ ਦੇਸ਼ ਦੇ ਮਸ਼ਹੂਰ ਮਾਈਨਿੰਗ ਇੰਜੀਨੀਅਰ ਜਸਵੰਤ ਸਿੰਘ ਗਿੱਲ ਵਲੋਂ ਕੋਲੇ ਦੀ ਖਾਨ ਵਿੱਚ ਕੰਮ ਕਰਦੇ 65 ਮਜ਼ਦੂਰਾਂ ਦੀ ਜਾਨ ਬਚਾਉਣ ਦੀ ਚਰਚਿਤ ਘਟਨਾ ਤੇ ਆਧਾਰਿਤ ਹੈ।

ਅਕਸ਼ੈ ਕੁਮਾਰ ਨੇ ਜਸਵੰਤ ਸਿੰਘ ਗਿੱਲ ਦਾ ਕਿਰਦਾਰ ਨਿਭਾਇਆ ਹੈ। ਫਿਲਮ 2 ਘੰਟੇ 14 ਮਿੰਟ ਦੀ ਹੈ। ਇਹ ਡਿਜ਼ਾਸਟਰ ਥ੍ਰਿਲਰ ਸ਼ੈਲੀ ਦੀ ਫਿਲਮ ਹੈ। ਫਿਲਮ ਵਿੱਚ ਇੱਕ ਵਿਅਕਤੀ ਦੀ ਸਿਆਣਪ ਅਤੇ ਅਥਾਹ ਹਿੰਮਤ ਦੀ ਕਹਾਣੀ ਦਿਖਾਈ ਗਈ ਹੈ।  1989 ਵਿੱਚ ਜਸਵੰਤ ਸਿੰਘ ਗਿੱਲ ਅਤੇ ਉਨ੍ਹਾਂ ਦੀ ਟੀਮ ਨੇ ਰਾਣੀਗੰਜ ਵਿੱਚ ਇੱਕ ਕੋਲੇ ਦੀ ਖਾਨ ਵਿੱਚੋਂ 65 ਮਜ਼ਦੂਰਾਂ ਨੂੰ ਬਚਾਉਣ ਲਈ ਇੱਕ ਬਚਾਅ ਮਿਸ਼ਨ ਚਲਾਇਆ ਸੀ।

ਮਜ਼ਦੂਰ ਬਚਣ ਦੀ ਆਸ ਛੱਡ ਦਿੰਦੇ ਹਨ, ਅਜਿਹੇ ਵਿੱਚ ਜਸਵੰਤ ਸਿੰਘ ਗਿੱਲ ਉਨ੍ਹਾਂ ਲਈ ਮਸੀਹਾ ਬਣ ਕੇ ਸਾਹਮਣੇ ਆਉਂਦੇ ਹਨ। ਜਸਵੰਤ ਸਿੰਘ ਗਿੱਲ ਦ੍ਰਿੜ ਇਰਾਦੇ ਨਾਲ ਮਜ਼ਦੂਰਾਂ ਨੂੰ ਬਚਾਉਣ ਲਈ ਨਿਕਲਦੇ ਹਨ ਅਤੇ ਆਖਰਕਾਰ ਕਾਮਯਾਬ ਹੁੰਦੇ ਹਨ।

ਅਕਸ਼ੈ ਕੁਮਾਰ ਨੇ ਇਸ ਫਿਲਮ ਨੂੰ ਪੂਰੀ ਤਰ੍ਹਾਂ ਆਪਣੇ ਮੋਢਿਆਂ ‘ਤੇ ਸੰਭਾਲ ਕੇ ਚੱਲਦੇ ਨਜ਼ਰ ਆਏ ਹਨ। ਅਕਸ਼ੈ ਨੇ ਜਸਵੰਤ ਸਿੰਘ ਗਿੱਲ ਦਾ ਕਿਰਦਾਰ ਬੜੀ ਸ਼ਿੱਦਤ ਨਾਲ ਨਿਭਾਇਆ ਹੈ। ਫਿਲਮ ‘ਚ ਪਰਿਣੀਤੀ ਚੋਪੜਾ ਨੇ ਛੋਟੀ ਜਿਹੀ ਭੂਮਿਕਾ ਵਿੱਚ ਵੀ ਵਧੀਆ ਕੰਮ ਕੀਤਾ ਹੈ।

ਸਹਾਇਕ ਕਲਾਕਾਰਾਂ ਵਿੱਚ ਰਵੀ ਕਿਸ਼ਨ, ਪਵਨ ਮਲਹੋਤਰਾ, ਵਰੁਣ ਬਡੋਲਾ ਅਤੇ ਜਮੀਲ ਖਾਨ ਨੇ ਆਪੋ-ਆਪਣੇ ਰੋਲ ਨਾਲ ਇਨਸਾਫ ਕੀਤਾ ਹੈ।

ਫਿਲਮ ਦੇ  ਨਿਰਦੇਸ਼ਨ ਦੀ ਗੱਲ ਕਰੀਏ ਤਾਂ ਟੀਨੂੰ ਸੁਰੇਸ਼ ਦੇਸਾਈ ਨੇ ਕਹਾਣੀ ਨੂੰ ਅੰਤ ਤੱਕ ਦਿਲਚਸਪ ਰੱਖਿਆ ਹੈ। ਬੈਕਗਰਾਉਂਡ ਸੰਗੀਤ ਦੀ ਢੁਕਵੀਂ ਵਰਤੋਂ ਕੀਤੀ ਗਈ ਹੈ। ਆਸਿਮ ਮਿਸ਼ਰਾ ਦੀ ਸਿਨੇਮੈਟੋਗ੍ਰਾਫੀ ਲਾਜਵਾਬ ਹੈ, ਉਸਨੇ ਕੋਲੇ ਦੀ ਖਾਣ ਦੇ ਸੀਨ ਨੂੰ ਪਰਦੇ ‘ਤੇ ਬਹੁਤ ਵਧੀਆ ਢੰਗ ਨਾਲ ਦਿਖਾਇਆ ਹੈ।

ਉਸਨੇ ਬਚਾਅ ਮਿਸ਼ਨ ਦੀਆਂ ਪੇਚੀਦਗੀਆਂ ਅਤੇ ਤਕਨੀਕੀਤਾਵਾਂ ਨੂੰ ਬਹੁਤ ਵਧੀਆ ਢੰਗ ਨਾਲ ਪੇਸ਼ ਕੀਤਾ ਹੈ। ਫਿਲਮ ਐਡੀਟਿੰਗ ਕਾਰਨ ਦਿਲਚਸਪ ਬਣ ਜਾਂਦੀ ਹੈ। 

ਫਿਲਮ ਦਾ ਸੰਗੀਤ ਸੁਣਨਾ ਚੰਗਾ ਲੱਗਦਾ ਹੈ। ਖਾਸ ਤੌਰ ‘ਤੇ ਸਤਿੰਦਰ ਸਰਤਾਜ ਅਤੇ ਵਿਸ਼ਾਲ ਮਿਸ਼ਰਾ ਦੀ ਆਵਾਜ਼ ‘ਚ ‘ਜਲਸਾ’ ਦਾ ਟਰੈਕ ‘ਕੀਮਤੀ’ ਤੁਹਾਨੂੰ ਇਸ ਦੇ ਬੋਲਾਂ ਨੂੰ ਗੁਣਗੁਣਾਉਣ ਲਈ ਮਜਬੂਰ ਕਰ ਦੇਵੇਗਾ। ਉਮੀਦ ਅਤੇ ਪ੍ਰੇਰਨਾ ਨਾਲ ਭਰਪੂਰ ਇਹ ਫਿਲਮ ਅਕਸ਼ੈ ਕੁਮਾਰ ਦੇ ਪ੍ਰਸ਼ੰਸਕਾਂ ਨੂੰ ਜਰੂਰ ਦੇਖਣੀ ਚਾਹੀਦੀ ਹੈ।