ਕੇਸਰੀ ਨਿਊਜ਼ ਨੈੱਟਵਰਕ:

ਬਜੁਰਗ ਦੀ ਮੌਤ ‘ਤੇ ਇਕ ਬਾਂਦਰ ਉਸ ਦਾ ਵਿਰਲਾਪ ਕਰਨ ਆਇਆ ਅਤੇ ਉਸ ਦੀਆਂ ਅੱਖਾਂ ‘ਚੋਂ ਹੰਝੂ ਵਹਿ ਤੁਰੇ। ਇਹ ਘਟਨਾ ਉੱਤਰ ਪ੍ਰਦੇਸ਼ ਦੇ ਲਖੀਮਪੁਰ ਖੇੜੀ ਦੀ ਹੈ। ਬਾਂਦਰ ਆ ਕੇ ਪਰਿਵਾਰ ਵਿਚ ਇਸ ਤਰ੍ਹਾਂ ਬੈਠ ਗਿਆ ਜਿਵੇਂ ਉਹ ਉਨ੍ਹਾਂ ਦੇ ਪਰਿਵਾਰ ਦਾ ਮੈਂਬਰ ਹੋਵੇ। ਇਸ ਤੋਂ ਬਾਅਦ ਉਹ ਕਦੇ ਜ਼ਮੀਨ ‘ਤੇ ਲੇਟ ਜਾਂਦਾ ਅਤੇ ਕਦੇ ਔਰਤਾਂ ਦੇ ਵਿਚਕਾਰ ਜਾ ਕੇ ਉਨ੍ਹਾਂ ਦੀ ਗੋਦ ‘ਚ ਸਿਰ ਰੱਖ ਕੇ ਰੋਣ ਲੱਗ ਜਾਂਦਾ।

ਪਰਿਵਾਰ ਨੇ ਦੱਸਿਆ ਕਿ ਕਰੀਬ 4 ਸਾਲ ਪਹਿਲਾਂ ਚੰਦਨ (ਮਰਨ ਵਾਲਾ) ਜੰਗਲ ਦੇ ਨੇੜੇ ਸਥਿਤ ਆਪਣੇ ਖੇਤ ‘ਚ ਜਾਂਦਾ ਸੀ। ਉਹ ਉਥੇ ਬਾਂਦਰਾਂ ਨੂੰ ਭੋਜਨ ਵੀ ਖੁਆਉਂਦਾ ਸੀ। ਇਹ ਬਾਂਦਰ ਅਕਸਰ ਉਸ ਦੇ ਕੋਲ ਆ ਕੇ ਬੈਠ ਜਾਂਦਾ ਸੀ ਅਤੇ ਜਦੋਂ ਉਹ ਖੇਤਾਂ ਤੋਂ ਘਰ ਵਾਪਸ ਆਉਂਦਾ ਸੀ ਤਾਂ ਉਸ ਨੂੰ ਕੁਝ ਦੂਰੀ ‘ਤੇ ਛੱਡ ਕੇ ਵਾਪਸ ਜੰਗਲ ਵੱਲ ਚਲਾ ਜਾਂਦਾ ਸੀ।

ਅੱਜ ਬਜੁਰਗ ਚੰਦਨ ਦੀ ਮੌਤ ਤੋਂ ਬਾਅਦ ਉਕਤ ਬਾਂਦਰ ਜਿਸ ਤਰੀਕੇ ਨਾਲ ਇਨਸਾਨ ਵਾਂਗੂ ਅਫਸੋਸ ਕਰਨ ਪੁੱਜਾ ਆਉਣ ਵਾਲੇ ਸਮੇਂ ਵਿੱਚ ਇੱਕ ਨਵੀਂ ਖੋਜ ਨੂੰ ਜਨਮ ਦੇਵੇਗਾ।