ਕੇਸਰੀ ਨਿਊਜ਼ ਨੈੱਟਵਰਕ : ਪੰਜਾਬ ਸਰਕਾਰ ਬੀਤੇ ਦਿਨਾ ਤੋਂ ਪਟਵਾਰੀਆਂ ਨਾਲ ਚਲ ਰਹੇ ਵਾਦ- ਵਿਵਾਦ ਤੋਂ ਬਾਅਦ ਸਖ਼ਤ ਕਾਰਵਾਈ ਕਰਦੀ ਨਜ਼ਰ ਆ ਰਹੀ ਹੈ। ਬੁੱਧਵਾਰ ਨੂੰ ਡਿਪਟੀ ਕਮਿਸ਼ਨਰ ਵਿਸ਼ੇਸ਼ ਸਾਰੰਗਲ ਨੇ ਪ੍ਰਬੰਧਕੀ ਹਿੱਤਾਂ ਨੂੰ ਮੁੱਖ ਰੱਖਦੇ ਹੋਏ 61 ਪਟਵਾਰੀਆਂ ਦੇ ਤਬਾਦਲਿਆਂ ਦੇ ਹੁਕਮ ਜਾਰੀ ਕੀਤੇ ਹਨ। ਕਈ ਪਟਵਾਰੀਆਂ ਨੂੰ ਉਨ੍ਹਾਂ ਦੇ ਮੁੱਖ ਕੰਮ ਦੇ ਨਾਲ-ਨਾਲ ਕਈ ਪਿੰਡਾਂ ਦਾ ਵਾਧੂ ਚਾਰਜ ਦਿੱਤਾ ਗਿਆ ਸੀ ਇਨ੍ਹਾਂ ਵਾਧੂ ਸਰਕਲਾਂ ਦਾ ਕੰਮ ਕਰਨ ਤੋਂ ਪਟਵਾਰੀ ਇਨਕਾਰੀ ਹੋ ਚੁੱਕੇ ਸਨ। ਮੰਨਿਆ ਜਾ ਰਿਹਾ ਹੈ ਕਿ ਸਰਕਾਰ ਪਟਵਾਰੀਆਂ ਦੇ ਸਖ਼ਤ ਰਵੱਈਏ ਤੋਂ ਨਾਰਾਜ਼ ਹੈ ਅਤੇ ਇਸੇ ਕਾਰਨ ਪੰਜਾਬ ਭਰ ਵਿੱਚ ਪਟਵਾਰੀਆਂ ਨੂੰ ਇੱਧਰ ਤੋਂ ਉੱਧਰ ਤਬਦੀਲ ਕੀਤਾ ਜਾ ਰਿਹਾ ਹੈ ।

ਜਲੰਧਰ ਵਿੱਚ  ਜਿਨਾਂ 61 ਪਟਵਾਰੀਆਂ ਦੀ ਤਾਇਨਾਤੀ ਦੀ ਥਾਂ ਬਦਲੀ ਗਈ ਹੈ। ਉਨ੍ਹਾਂ ਵਿੱਚ ਜਲੰਧਰ ਤਹਿਸੀਲ-1, ਜਲੰਧਰ ਤਹਿਸੀਲ-2, ਆਦਮਪੁਰ, ਫਿਲੌਰ, ਨਕੋਦਰ, ਆਦਮਪੁਰ ਅਤੇ ਸ਼ਾਹਕੋਟ ਖੇਤਰ ਦੇ ਪਟਵਾਰੀ ਸ਼ਾਮਿਲ ਹਨ। ਬਦਲੀਆਂ ਦਾ ਪ੍ਰਭਾਵ ਸਭ ਤੋਂ ਵੱਧ ਫਿਲੌਰ ਖੇਤਰ ਵਿੱਚ ਦੇਖਣ ਨੂੰ ਮਿਲਿਆ ਹੈ। ਜ਼ਿਕਰਯੋਗ ਹੈ ਕਿ ਪਟਵਾਰੀ ਯੂਨੀਅਨ ਦੇ ਸਖ਼ਤ ਵਤੀਰੇ ਨੂੰ ਦੇਖਦੇ ਹੋਏ ਭਗਵੰਤ ਮਾਨ ਸਰਕਾਰ ਲੋਕ ਹਿਤਾਂ ਨੂੰ ਧਿਆਨ ਵਿਚ ਰੱਖਦੇ ਹੋਏ ਸਖ਼ਤ ਕਾਰਵਾਈ ਦੇ ਰੌਂ ਵਿਚ ਹੈ ਅਤੇ ਨਵੇਂ ਪਟਵਾਰੀਆਂ ਦੀ ਭਰਤੀ ਦਾ ਐਲਾਨ ਕਰ ਦਿੱਤਾ ਹੈ। ਪਟਵਾਰੀਆਂ ਨੂੰ ਉਨ੍ਹਾਂ ਦੇ ਜੱਦੀ ਥਾਵਾਂ ਤੋਂ ਵੀ ਹਟਾਇਆ ਜਾ ਰਿਹਾ ਹੈ ਤਾਂ ਜੋ ਦਬਾਅ ਬਣਾਇਆ ਜਾ ਸਕੇ।  

ਪੜੋ ਜਲੰਧਰ ਵਿਚ ਪਟਵਾਰੀਆਂ ਦੀ ਬਦਲੀ ਬਾਰੇ ਹੁਕਮ ਅਤੇ ਜਾਣੋ ਕੌਣ ਕਿੱਥੇ ਬਦਲ ਕੇ ਚਲਾ ਗਿਆ ਹੈ।