आयुर्वेद पांच महाभूतों चिकित्सा प्रणाली
ਕੇਸਰੀ ਨਿਊਜ਼ ਨੈੱਟਵਰਕ ਨੂੰ ਹਾਸਲ ਜਾਣਕਾਰੀ ਅਨੁਸਾਰ ਪੰਜਾਬ ਦੇ ਨਵਾਂਸ਼ਹਿਰ ਲਾਗੇ ਲੁੱਟ ਦੀ ਇੱਕ ਵੱਡੀ ਵਾਰਦਾਤ ਸਾਹਮਣੇ ਆ ਰਹੀ ਹੈ। ਜਿਸ ਢੰਗ ਨਾਲ ਪੰਜਾਬ ਵਿਚ ਲੁੱਟ ਖੋਹ ਦੀਆਂ ਵਾਰਦਾਤਾਂ ਸਾਹਮਣੇ ਆਉਣ ਲੱਗੀਆਂ ਹਨ, ਇਸ ਤਰਾਂ ਦਾ ਮਹੌਲ ਕਦੀ ਕਦਾਈਂ ਯੂਪੀ ਜਾਂ ਬਿਹਾਰ ਵਰਗੇ ਸੂਬਿਆਂ ਵਿਚ ਤਾਂ ਦੇਖਣ ਨੂੰ ਮਿਲ ਜਾਂਦਾ ਸੀ, ਪਰ ਪੰਜਾਬ ਵਰਗੇ ਸੂਬੇ ਦੇ ਬਹਾਦਰ ਲੋਕਾਂ ਨੂੰ ਇਸ ਤਰਾਂ ਦੇ ਨਮੋਸ਼ੀਜਨਕ ਹਾਲਾਤ ਦਾ ਕਦੀ ਸਾਹਮਣਾ ਨਹੀਂ ਕਰਨਾ ਪਿਆ ਸੀ। ਹੁਣ ਤਾਂ ਇੰਜ ਜਾਪਣ ਲੱਗਾ ਹੈ ਜਿਵੇਂ ਉਨ੍ਹਾਂ ਨੂੰ ਪੁਲਿਸ ਦਾ ਕੋਈ ਡਰ-ਭੈਅ ਨਹੀਂ ਰਿਹਾ।
ਇਸ ਦੀ ਤਾਜ਼ਾ ਉਦਾਹਰਨ ਨਵਾਂ ਸ਼ਹਿਰ ਨੇੜੇ ਸ਼ਾਮ ਸਮੇਂ ਇਕ ਨਿੱਜੀ ਬੱਸ ਨੂੰ ਲੁੱਟਣ ਤੋਂ ਮਿਲਦੀ ਹੈ। ਨਵਾਂ ਸ਼ਹਿਰ ਨੇੜੇ ਸ਼ਾਮ ਨੂੰ ਚਾਰ ਲੁਟੇਰਿਆਂ ਵੱਲੋਂ ਇਕ ਸਵਾਰੀਆਂ ਨਾਲ ਭਰੀ ਬੱਸ ਨੂੰ ਘੇਰ ਕੇ ਲੁੱਟ ਲਿਆ ਗਿਆ। ਲੁਟੇਰਿਆਂ ਨੇ ਬੱਸ ਦੇ ਕੰਡਕਟਰ ਪਾਸੋਂ ਕਰੀਬ ਸਤਾਰਾਂ ਹਜ਼ਾਰ ਰੁਪਏ ਦੀ ਨਕਦੀ ਦੀ ਲੁੱਟ ਲਈ ਅਤੇ ਫਰਾਰ ਹੋ ਗਏ।
ਹਾਸਲ ਜਾਣਕਾਰੀ ਅਨੁਸਾਰ ਇੱਕ ਨਿੱਜੀ ਕੰਪਨੀ ਦੀ ਬੱਸ ਹੁਸ਼ਿਆਰਪੁਰ ਤੋਂ ਯੂਪੀ ਦੇ ਜ਼ਿਲ੍ਹਾ ਬਦਾਯੂੰ ਨੂੰ ਜਾ ਰਹੀ ਸੀ । ਜਦ ਬਸ ਟੋਲ ਪਲਾਜ਼ਾ ਬਛਵਾ ਨਜ਼ਦੀਕ ਪੁੱਜੀ ਤਾਂ ਉਥੇ ਇੱਕ ਕਾਰ ਵਿਚ ਸਵਾਰ ਕੁਝ ਵਿਅਕਤੀਆਂ ਵਲੋਂ ਬੱਸ ਨੂੰ ਘੇਰ ਕੇ ਰੋਕ ਲਿਆ। ਬਸ ਨੂੰ ਡਰਾਈਵਰ ਮਾਜਿਦ ਅਹਿਮਦ ਚਲਾ ਰਿਹਾ ਸੀ ਅਤੇ ਕੰਡਕਟਰ ਖਾਲਿਦ ਅਹਿਮਦ ਬਸ ਅੰਦਰ ਮੌਜੂਦ ਸੀ। ਇੱਕ ਬਰੀਜ਼ਾ ਕਾਰ ਵਿਚ ਸਵਾਰ ਕੁੱਝ ਵਿਅਕਤੀਆਂ ਵੱਲੋਂ ਬੱਸ ਨੂੰ ਘੇਰ ਲਿਆ ਅਤੇ ਬੱਸ ਕੰਡਕਟਰ ਖਾਲਿਦ ਅਹਿਮਦ ਪਾਸੋਂ ਲੱਗਭੱਗ 17000 ਰੁਪਏ ਦੀ ਲੁੱਟ ਖ਼ੋਹ ਕਰਕੇ ਫ਼ਰਾਰ ਹੋ ਗਏ।
