ਜਲੰਧਰ (ਕੇਸਰੀ ਨਿਊਜ਼ ਨੈੱਟਵਰਕ)-ਸਮੇਂ ਸਮੇਂ ਤੋਂ ਅਸੀਂ ਬੱਚਿਆਂ ਨੂੰ ਅਗਵਾਹ ਕਰਨ ਤੇ ਫਿਰੌਤੀ ਦੀ ਮੰਗ ਕਰਨ ਅਤੇ ਕਈ ਵਾਰ ਉਨ੍ਹਾਂ ਦਾ ਕਤਲ ਕਰਨ ਜਿਹੇ ਘਿਨਾਉਣੇ ਅਪਰਾਧਾਂ ਬਾਰੇ ਸੁਣਦੇ ਆ ਰਹੇ ਹਾਂ । ਹਾਲ ਹੀ ਵਿੱਚ ਅਜਿਹੀ ਇੱਕ ਘਟਨਾ ਤੇ ਅਧਾਰਿਤ ਕਹਾਣੀ ਲੈ ਕੇ ਆਇਆ ਹੈ ਪੰਜਾਬ ਦਾ ਇੱਕੋ ਇੱਕ ਓ ਟੀ ਵੀ ਐਪ ਚੌਪਾਲ । 500 ਮੀਟਰ ਦੇ ਸਿਰਲੇਖ ਦੇ ਤਹਿਤ ਇਸ ਵੈੱਬ ਸੀਰੀਜ਼ ਵਿੱਚ ਕਰਤਾਰ ਚੀਮਾ ਇੰਸਪੈਕਟਰ ਸੇਖੋਂ ਦੀ ਭੂਮਿਕਾ ਨਿਭਾਉਂਦੇ ਹੋਏ ਨਜ਼ਰ ਆ ਰਹੇ ਹਨ ।

1500 ਮੀਟਰ ਵੈੱਬ ਸੀਰੀਜ਼ ਇੱਕ ਅੱਠ ਸਾਲ ਦੇ ਬੱਚੇ ਦੇ ਕਿਡਨੈਪਿੰਗ ਅਤੇ ਮਰਡਰ ਕੇਸ ਦੀ ਇਕ ਸੱਚੀ ਘਟਨਾ ਤੇ ਆਧਾਰਿਤ ਹੈ, ਜੋ ਦਰਸ਼ਕਾਂ ਦੇ ਦਿਲਾਂ ਨੂੰ ਝੰਜੋੜ ਕੇ ਰੱਖ ਦਿੰਦੀ ਹੈ । ਮਾਨਵ ਸ਼ਾਹ ਦੁਆਰਾ ਨਿਰਦੇਸ਼ਿਤ ਕੀਤੀ ਗਈ ਇਸ ਵੈੱਬ ਸੀਰੀਜ਼ ਨੂੰ ਗੁਰਪ੍ਰੀਤ ਭੁੱਲਰ ਨੇ ਲਿਖਿਆ ਹੈ।

ਕਰਤਾਰ ਚੀਮਾ ਦੇ ਨਾਲ ਨਾਲ ਰਾਹੁਲ ਜੰਗਰਾਲ, ਸੰਜੀਵ ਅੱਤਰੀ, ਮੋਹਨ ਕੰਬੋਜ, ਹਰਮਨ ਪਾਲ ਸਿੰਘ ਅਤੇ ਪਰਮਵੀਰ ਸਿੰਘ ਨੇ ਮੁੱਖ ਕਿਰਦਾਰ ਬਾਖੂਬੀ ਨਿਭਾਏ ਹਨ । ਅਜਿਹੇ ਸਮਾਜਿਕ ਮੁੱਦਿਆਂ ਤੇ ਰੋਸ਼ਨੀ ਪਾਉਂਦੀਆਂ ਫ਼ਿਲਮਾਂ ਤੇ ਵੈੱਬ ਸੀਰੀਜਾਂ ਜਿਵੇਂ ਮਜਾਜਣ ਆਰਕੈਸਟਰਾ, ਸ਼ਾਹੀ ਮਾਜਰਾ, ਥਾਣਾ ਸਦਰ’ ਆਦਿ ਨੂੰ ਚੌਪਾਲ ਹਮੇਸ਼ਾ ਤੋਂ ਹੀ ਮਹੱਤਵ ਦਿੰਦਾ ਆ ਰਿਹਾ ਹੈ । ਕਿਉਂਕਿ ਅਜਿਹੇ ਸਿਨੇਮੇ ਨੂੰ ਉਤਸ਼ਾਹਿਤ ਕਰਨਾ ਬੇਹੱਦ ਜਰੂਰੀ ਹੈ ਅਤੇ ਦਰਸ਼ਕਾਂ ਨੂੰ ਵੀ ਇਸ ਦਾ ਸਮਰਥਨ ਕਰਨਾ ਚਾਹੀਦਾ ਹੈ।

ਚੌਪਾਲ ਓ ਟੀ ਟੀ ਦੇ ਚੀਫ ਕੰਟੈਂਟ ਅਫਸਰ ਨਿਤਿਨ ਗੁਪਤਾ ਦਾ ਕਹਿਣਾ ਹੈ ਕਿ ਕਿਸੇ ਵੀ ਪਲੇਟਫਾਰਮ ਲਇ ਕੰਟੇਂਟ ਹੀ ਪ੍ਰਧਾਨ ਹੁੰਦਾ ਹੈ ਅਤੇ ਚੌਪਾਲ ਓ ਟੀ ਟੀ ਮਨੋਰੰਜਨ ਦੇ ਨਾਲ ਨਾਲ ਸਮਾਜਕ ਕੁਰੀਤੀਆਂ ਬਾਰੇ ਲੋਕਾਂ ਨੂੰ ਜਾਣੂ ਕਰਵਾਣਾ ਆਪਣਾ ਜ਼ਿਮੇਵਾਰੀ ਸਮਝਦਾ ਹੈ। ਓਹਨਾ ਦਾ ਕਹਿਣਾ ਹੈ ਕਿ 500 ਮੀਟਰ ਵੈੱਬ ਸੀਰੀਜ਼ ਲੋਕਾਂ ਨੂੰ ਜਿਥੇ ਹਸਾਉਗੀ ਓਥੇ ਓਹਨਾ ਵਿਚ ਚੇਤਨਾ ਵੀ ਜਗਾਊਗੀ ਅਤੇ ਬੇਨਤੀ ਕੀਤੀ ਕਿ ਦਰਸ਼ਕ ਇਸਨੂੰ ਜ਼ਰੂਰ ਵੇਖਣ।