ਜਲੰਧਰ, (ਕੇਸਰੀ ਨਿਊਜ਼ ਨੈੱਟਵਰਕ) : ਸ਼੍ਰੀ ਸਵਰਨਦੀਪ ਸਿੰਘ, ਪੀ.ਪੀ.ਐਸ, ਸੀਨੀਅਰ ਪੁਲਿਸ ਕਪਤਾਨ, ਜਲੰਧਰ ਦਿਹਾਤੀ ਜੀ ਦੇ ਦਿਸ਼ਾ ਨਿਰਦੇਸ਼ਾ ਅਨੁਸਾਰ ਸਮਾਜ ਦੇ ਭੇੜੇ ਅਨਸਰਾਂ/ਚੌਰੀ ਦੀਆ ਵਾਰਦਾਤਾ ਕਰਨ ਵਾਲੇ ਵਿਅਕਤੀਆ ਖਿਲਾਫ ਚਲਾਈ ਗਈ ਵਿਸ਼ੇਸ਼ ਮੁਹਿਮ ਤਹਿਤ ਸ਼੍ਰੀ ਸਰਬਜੀਤ ਸਿੰਘ ਬਾਹੀਆ ਪੀ.ਪੀ.ਐਸ, ਪੁਲਿਸ ਕਪਤਾਨ, (ਇੰਨਵੈਸਟੀਗੇਸ਼ਨ), ਜਲੰਧਰ ਦਿਹਾਤੀ ਅਤੇ ਸ਼੍ਰੀ ਸੁਰਿੰਦਰਪਾਲ ਧੋਗੜੀ, ਪੀ.ਪੀ.ਐਸ. ਉੱਪ ਪੁਲਿਸ ਕਪਤਾਨ, ਸਬ ਡਵੀਜਨ ਕਰਤਾਰਪੁਰ ਜਲੰਧਰ ਦਿਹਾਤੀ ਜੀ ਦੀ ਅਗਵਾਈ ਹੇਠ ਇੰਸਪੈਕਟਰ ਅਮਨ ਸੈਣੀ ਮੁੱਖ ਅਫਸਰ ਥਾਣਾ ਲਾਂਬੜਾ ਦੀ ਪੁਲਿਸ ਪਾਰਟੀ ਨੇ ਮੋਬਾਇਲ ਟਾਵਰਾ ਦੀਆ ਤਾਰਾ ਚੋਰੀ ਕਰਨ ਵਾਲਾ 01 ਦੋਸ਼ੀ ਗ੍ਰਿਫਤਾਰ ਕਰਨ ਵਿਚ ਸਫਲਤਾ ਹਾਸਿਲ ਕੀਤੀ ਹੈ।
ਇਹ ਵੀ ਪੜ੍ਹੋ:- ਖਾਲਿਸਤਾਨ ਸਮਰਥਕ ਅੰਮ੍ਰਿਤਪਾਲ ਨੂੰ ਸਮਰਥਨ ਦੇਣ ਜਾਂ ਵਿਰੋਧ ਕਰਨ ਦਾ ਫੈਸਲਾ, HSGPC ਮੈਂਬਰ ਵੀ ਪਹੁੰਚੇ
ਇਸ ਸਬੰਧੀ ਪ੍ਰੈਸ ਨੂੰ ਜਾਣਕਾਰੀ ਦਿੰਦੇ ਹੋਏ ਸ਼੍ਰੀ ਸੁਰਿੰਦਰਪਾਲ ਧੋਗੜੀ, ਪੀ.ਪੀ.ਐਸ, ਉੱਪ ਪੁਲਿਸ ਕਪਤਾਨ, ਸਬ ਡਵੀਜਨ ਕਰਤਾਰਪੁਰ ਜਲੰਧਰ ਦਿਹਾਤੀ ਜੀ ਨੇ ਦੱਸਿਆ ਕਿ ਇੰਸਪੈਕਟਰ ਅਮਨ ਸੈਣੀ ਮੁੱਖ ਅਫਸਰ ਥਾਣਾ ਲਾਂਬੜਾ ਭੈੜੇ ਪੁਰਸ਼ਾ ਦੀ ਤਲਾਸ਼ ਸਬੰਧੀ ASI ਸ਼ਿੰਗਾਰਾ ਸਿੰਘ ਦੀ ਟੀਮ ਤਿਆਰ ਕਰਕੇ ਇਲਾਕਾ ਥਾਣਾ ਵਿਚ ਭੇਜਿਆ ਗਿਆ ਸੀ ਤਾ ਜਦੋਂ ASI ਸਿੰਗਾਰਾ ਸਿੰਘ ਸਮੇਤ ਪੁਲਿਸ ਪਾਰਟੀ ਦੇ ਅੱਡਾ ਲਾਂਬੜਾ ਮੌਜੂਦ ਸੀ ਤਾਂ ਉਸ ਪਾਸ ਅਕਾਸ਼ਦੀਪ ਅਸੁਰ ਪੁੱਤਰ ਰਾਮ ਲਾਲ ਵਾਸੀ ਪਿੰਡ ਮੱਧ ਥਾਣਾ ਸਦਰ ਨਕੋਦਰ ਨੇ ਇਤਲਾਹ ਦਿੱਤੀ ਕਿ ਉਹ ਆਰ.ਐਸ ਸਕਿਊਰਟੀ ਬਤੋਰ ਏਰੀਆ ਸੁਪਰਵਾਈਜਰ ਦਾ ਕੰਮ ਕਰਦਾ ਹੈ ਉਸ ਕੋਲ AIRTEL ਅਤੇ IDEA/Vodafone ਲਾਂਬੜਾ ਏਰੀਆ ਦੇ ਟਾਵਰਾ ਦੀ ਜਿੰਮੇਵਾਰੀ ਹੈ ਮਿਤੀ 26.03.2023 ਨੂੰ ਉਹ ਪਿੰਡ ਤਾਜਪੁਰ ਵਿਖੇ ਲੱਗੇ AIRTEL ਦੇ ਟਾਵਰ ਨੂੰ ਚੈੱਕ ਕਰਨ ਗਿਆ ਤਾਂ ਦੋ ਤਾਰਾ ਪਾਵਰ ਕੇਵਲ ਕ੍ਰੀਬ 04/04 ਮੀਟਰ ਕੱਟੀਆ ਹੋਈਆ ਸੀ। ਜਿਸਨੂੰ ਕੋਈ ਨਾ-ਮਲੂਮ ਵਿਅਕਤੀ ਚੋਰੀ ਕਰਕੇ ਲੈ ਗਿਆ ਹੈ।
ਇਸ ਤੋਂ ਪਹਿਲਾ ਮਿਤੀ 18.03.2023 ਨੂੰ ਪਿੰਡ ਹੁਸੈਨਪੁਰ ਵਿਖੇ AIRTEL ਦੇ ਟਾਵਰ ਅਤੇ ਮਿਤੀ 23.03.2023 ਨੂੰ ਪਿੰਡ ਗਾਖਲਾ ਵਿਖੇ ਲੱਗੇ ਟਾਵਰ ਤੋ ਕੇਵਲ ਤਾਰਾ ਚੋਰੀ ਹੋਈਆ ਸਨ।ਜਿਸ ਤੇ ਤੁਰੰਤ ਕਾਰਵਾਈ ਕਰਦੇ ਹੋਏ ASI ਸਿੰਗਾਰਾ ਸਿੰਘ ਵੱਲੋਂ ਦੋਸ਼ੀ ਦੀ ਭਾਲ ਸ਼ੁਰੂ ਕੀਤੀ ਤਾ ਦੋਰਾਨੇ ਤਲਾਸ਼ ਦੋਸ਼ੀ ਸ਼ਮਸ਼ੇਰ ਸਿੰਘ ਪੁੱਤਰ ਲਛਮਣ ਸਿੰਘ ਵਾਸੀ ਕੋਟ ਹਿਰਦੇ ਰਾਮ ਥਾਣਾ ਕੱਥੂ ਨੰਗਲ ਅੰਮ੍ਰਿਤਸਰ ਨੂੰ ਗ੍ਰਿਫਤਾਰ ਕਰਕੇ ਉਸ ਪਾਸੋਂ ਮੋਬਾਇਲ ਟਾਵਰ ਦੀ 08 ਮੀਟਰ ਕੇਵਲ ਤਾਰ, ਇੱਕ ਕਟਰ, 2 ਲੋਹਾ ਕੱਟਣ ਵਾਲੇ ਬਲੇਡ, ਇੱਕ ਪੇਚਕਸ ਅਤੇ ਇੱਕ ਮੋਟਰ ਸਾਇਕਲ ਨੰਬਰ PB02-AX-8285 ਮਾਰਕਾ ਪੈਸ਼ਨ ਪਲੱਸ ਰੰਗ ਲਾਲ ਬ੍ਰਾਮਦ ਹੋਇਆ।ਜਿਸ ਤੇ ਦੋਸ਼ੀ ਦੇ ਖਿਲਾਫ ਮੁਕੱਦਮਾ ਨੰ 18 ਮਿਤੀ 26.03.2023 ਅ/ਧ-454/380 IPC ਥਾਣਾ ਲਾਂਬੜਾ ਦਰਜ ਰਜਿਸਟਰ ਕੀਤਾ ਗਿਆ। ਜਿਸ ਪਾਸੋਂ ਹੋਰ ਡੂੰਘਾਈ ਨਾਲ ਪੁੱਛਗਿੱਛ ਕੀਤੀ ਜਾ ਰਹੀ ਹੈ ਅਤੇ ਹੋਰ ਵੀ ਖੁਲਾਸੇ ਹੋਣ ਦੀ ਸੰਭਾਵਨਾ ਹੈ।
ਬ੍ਰਾਮਦਗੀ:-
1. ਮੋਬਾਇਲ ਟਾਵਰ ਦੀ 08 ਮੀਟਰ ਕੇਵਲ ਤਾਰ,
2. 01 ਕਟਰ
3. 2 ਲੋਹਾ ਕੱਟਣ ਵਾਲੇ ਬਲੇਡ
4. 01 ਪੇਚਕੱਸ
5. 01 ਮੋਟਰ ਸਾਇਕਲ ਨੰਬਰ PB02-AX-8285 ਮਾਰਕਾ ਪੈਸ਼ਨ ਪਲੱਸ ਰੰਗ ਲਾਲ