ਬਲਗ਼ਮ ਇੱਕ ਪ੍ਰੋਟੈਕਟਿਵ ਜੈੱਲ ਹੈ ਜੋ ਕਿ ਐਪੀਥੈਲਿਅਲ ਟਿਸ਼ੂਆਂ ਨੂੰ ਚਿਕਨਾਈ ਪ੍ਰਦਾਨ ਕਰਦਾ ਹੈ, ਜੋ ਸਾਡੇ ਅੰਗਾਂ ਨੂੰ ਕਵਰ ਕਰਦੇ ਹਨ ਅਤੇ ਬਾਡੀ ਕੈਵਿਟੀ (ਸਰੀਰ ਦੇ ਅੰਦਰ ਖਾਲੀ ਥਾਂ ਜੋ ਕਿ ਇੱਕ ਵਿਸ਼ੇਸ਼ ਤਰਲ ਨਾਲ ਭਰਿਆ ਹੁੰਦਾ ਹੈ) ਨੂੰ ਲਾਇਨ ਕਰਦੇ ਹਨ, ਨਾਲ ਹੀ ਸੂਖਮ ਜੀਵਾਂ ਦੇ ਵਿਰੁੱਧ ਰੱਖਿਆ ਦੀ ਪਹਿਲੀ ਕਤਾਰ ਵਜੋਂ ਵੀ ਕੰਮ ਕਰਦਾ ਹੈ। ਬਲਗ਼ਮ ਦਾ ਮੁੱਖ ਹਿੱਸਾ ਮਿਊਸੀਨ ਨਾਂ ਦਾ ਪ੍ਰੋਟੀਨ ਹੁੰਦਾ ਹੈ, ਜਿਸ ਵਿੱਚ ਐਂਟੀਵਾਇਰਲ ਗੁਣ ਹੁੰਦੇ ਹਨ।
ਸਵੀਡਨ ਦੇ ਕੇਟੀਐਚ ਰਾਇਲ ਇੰਸਟੀਚਿਊਟ ਆਫ਼ ਟੈਕਨਾਲੋਜੀ ਦੇ ਵਿਗਿਆਨੀਆਂ ਦੁਆਰਾ ਵਿਕਸਤ ਕੀਤਾ ਗਿਆ ਇਹ ਲੁਬਰੀਕੈਂਟ ਐੱਚਆਈਵੀ ਦੇ ਵਿਰੁੱਧ ਲੈਬ ਟੈਸਟਾਂ ਵਿੱਚ 70 ਪ੍ਰਤੀਸ਼ਤ ਅਤੇ ਹਰਪੀਜ਼ ਦੇ ਵਿਰੁੱਧ 80 ਪ੍ਰਤੀਸ਼ਤ ਪ੍ਰਭਾਵਸ਼ਾਲੀ ਸਾਬਤ ਹੋਇਆ ਹੈ।
ਹੋਂਗਜੀ ਦਾ ਕਹਿਣਾ ਹੈ ਕਿ ਮਿਊਸਿਨ ਦੇ ਅਣੂਆਂ ਦੀ ਕੁਦਰਤੀ ਗੁੰਝਲਤਾ ਇੱਕ ਵੱਡਾ ਕਾਰਨ ਹੈ ਕਿ ਇਹ ਸਿੰਥੈਟਿਕ ਜੈੱਲ ਐੱਚਆਈਵੀ ਅਤੇ ਹਰਪੀਜ਼ ਨੂੰ ਰੋਕਣ ਵਿੱਚ ਇੰਨਾ ਪ੍ਰਭਾਵਸ਼ਾਲੀ ਹੈ। ਇਸ ਦਾ ਕੋਈ ਮਾੜਾ ਪ੍ਰਭਾਵ ਵੀ ਨਹੀਂ ਹੈ।
ਹੋਂਗਜੀ ਦੇ ਅਨੁਸਾਰ, ਇਹ ਜੈੱਲ ਲੋਕਾਂ ਨੂੰ ਆਪਣੀ ਜਿਨਸੀ ਸਿਹਤ ‘ਤੇ ਵਧੇਰੇ ਕੰਟਰੋਲ ਰੱਖਣ ਵਿੱਚ ਮਦਦ ਕਰ ਸਕਦਾ ਹੈ। ਇਹ ਸੁਰੱਖਿਆ ਪ੍ਰਦਾਨ ਕਰ ਸਕਦਾ ਹੈ ਜਦੋਂ ਕੋਈ ਕੰਡੋਮ ਦਾ ਬਦਲ ਉਪਲਬਧ ਨਹੀਂ ਹੁੰਦਾ ਹੈ, ਜਾਂ ਕੰਡੋਮ ਦੇ ਫਟਣ ਜਾਂ ਦੁਰਵਰਤੋਂ ਦੇ ਮਾਮਲੇ ਵਿੱਚ ਬੈਕ-ਅੱਪ ਸੁਰੱਖਿਆ ਵਜੋਂ ਵੀ ਉਪਯੋਗੀ ਸਾਬਤ ਹੋ ਸਕਦਾ ਹੈ।
ਉਨ੍ਹਾਂ ਦਾ ਕਹਿਣਾ ਹੈ ਕਿ ਸਿੰਥੈਟਿਕ ਜੈੱਲ ‘ਚ ਮੌਜੂਦ ਮਿਊਕਿਨ ਇਮਿਊਨ ਸੈੱਲਾਂ ਦੀ ਐਕਟੀਵੇਸ਼ਨ ਨੂੰ ਘੱਟ ਕਰਨ ‘ਚ ਮਦਦ ਕਰਦਾ ਹੈ। ਇਹ ਮਹੱਤਵਪੂਰਨ ਹੈ ਕਿਉਂਕਿ ਸਰਗਰਮ ਇਮਿਊਨ ਸੈੱਲ ਐੱਚਆਈਵੀ ਦੀ ਪ੍ਰਤੀਕ੍ਰਿਤੀ ਨੂੰ ਉਤਸ਼ਾਹਿਤ ਕਰਦੇ ਹਨ।
ਇਹ ਪ੍ਰੋਜੈਕਟ ਸਵੀਡਨ ਦੇ ਕੇਟੀਐਚ ਰਾਇਲ ਇੰਸਟੀਚਿਊਟ ਆਫ਼ ਟੈਕਨਾਲੋਜੀ ਅਤੇ ਕੈਰੋਲਿਨਸਕਾ ਇੰਸਟੀਚਿਊਟ ਅਤੇ ਮਿਊਨਿਖ ਦੀ ਤਕਨੀਕੀ ਯੂਨੀਵਰਸਿਟੀ ਦੀਆਂ ਲੈਬਾਂ ਦਾ ਇੱਕ ਸਮੂਹਿਕ ਯਤਨ ਹੈ।