आयुर्वेद पांच महाभूतों चिकित्सा प्रणाली
केसरी विरासत के इस मंच आयुर्वेदिक दवाई को बेचने के लिए संपर्क करे - 9592306823
ਭਾਜਪਾਈਆਂ ਦੀ ਕਮੇਟੀ ‘ਚ ਤੁੱਛ ਨੁਮਾਇੰਦਗੀ ਨਹੀਂ, ਪੁਨਰਗਠਿਤ ਹੋਵੇ ਕਮੇਟੀ : ਬੀਬਾ ਰਾਜਵਿੰਦਰ ਕੌਰ ਰਾਜੂ
ਅੱਜ ਇੱਥੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਮਹਿਲਾ ਕਿਸਾਨ ਯੂਨੀਅਨ ਦੀ ਪ੍ਰਧਾਨ ਬੀਬਾ ਰਾਜਵਿੰਦਰ ਕੌਰ ਰਾਜੂ ਨੇ ਕਿਹਾ ਕਿ ਮੀਡੀਆ ਰਾਹੀਂ ਕਿਸਾਨਾਂ ਅੱਗੇ ਆਪਣਾ ਬਨਾਉਟੀ ‘ਹੀਜ-ਪਿਆਜ‘ ਦਿਖਾਉਣ ਲਈ ਆਪ ਦੇ ਸੰਸਦ ਮੈਂਬਰਾਂ ਸਮੇਤ ਹੋਰਨਾਂ ਰਵਾਇਤੀ ਸਿਆਸੀ ਪਾਰਟੀਆਂ ਦੇ ਆਗੂ ਇਸ ਭਾਜਪਾਈ ਕਮੇਟੀ ਵਿੱਚ ਪੰਜਾਬ ਖਾਤਰ ਸਰਕਾਰੀ ਨੁਮਾਇੰਦਗੀ ਲੈਣ ਲਈ ਮੁਕਾਬਲੇਬਾਜ਼ੀ ਵਿੱਚ ਰਾਜਸੀ ਬਿਆਨ ਦਾਗ ਰਹੇ ਹਨ ਪਰ ਅਮਲੀ ਤੌਰ ‘ਤੇ ਇਹ ਸਾਰੇ ਆਗੂ ਕਿਸਾਨਾਂ ਦੀਆਂ ਹੱਕੀ ਮੰਗਾਂ ਪੂਰੀਆਂ ਕਰਾਉਣ ਅਤੇ ਐੱਮਐੱਸਪੀ ਦਿਵਾਉਣ ਲਈ ਅੰਦਰੋਂ ਸੁਹਿਰਦ ਨਹੀਂ।
ਕੇਂਦਰੀ ਖੇਤੀ ਮੰਤਰਾਲੇ ਵੱਲੋਂ ਐੱਮਐੱਸਪੀ ਬਾਰੇ ਐਲਾਨੀ ਅਖਤਿਆਰੀ ਕਮੇਟੀ ਨੂੰ ਸੰਯੁਕਤ ਕਿਸਾਨ ਮੋਰਚਾ ਦੀ ਮੰਗ ਮੁਤਾਬਿਕ ਨਵੇਂ ਸਿਰਿਓਂ ਗਠਿਤ ਕਰਨ ਦੀ ਮੰਗ ਕਰਦਿਆਂ ਮਹਿਲਾ ਕਿਸਾਨ ਨੇਤਾ ਨੇ ਕਿਹਾ ਕਿ ਕਿਸਾਨਾਂ ਦੀਆਂ ਮੰਗਾਂ ਬਾਰੇ ਆਪ ਪਾਰਟੀ ਦੀਆਂ ਦੋਵੇਂ ਸਰਕਾਰਾਂ ਸਿਰਫ਼ ਬਿਆਨਾਂ ਅਤੇ ਸ਼ੋਸ਼ਲ ਮੀਡੀਆ ਸਹਾਰੇ ਡੰਗ ਟਪਾਈ ਕਰ ਰਹੀਆਂ ਹਨ ਜਦਕਿ ਹਕੀਕੀ ਤੌਰ ‘ਤੇ ਦਿੱਲੀ ਤੇ ਪੰਜਾਬ ਦੇ ਮੁੱਖ ਮੰਤਰੀਆਂ ਨੇ ਐੱਮਐੱਸਪੀ ਕਾਨੂੰਨ ਬਣਾਉਣ ਅਤੇ ਹੋਰ ਕਿਸਾਨੀ ਮੰਗਾਂ ਮੰਨਵਾਉਣ ਬਾਰੇ ਪ੍ਰਧਾਨ ਮੰਤਰੀ ਨਾਲ ਕੋਈ ਮੁਲਾਕਾਤ ਜਾਂ ਖਤੋ-ਖਿਤਾਬਤ ਨਹੀਂ ਕੀਤੀ ਬਲਕਿ ਸੂਬੇ ਦੀ ਤੁੱਛ ਨੁਮਾਇੰਦਗੀ ਲਈ ਸਿਰਫ਼ ਸਿਆਸੀ ਬਿਆਨ ਦਾਗ ਕੇ ਖਾਨਾ ਪੂਰਤੀ ਕੀਤੀ ਜਾ ਰਹੀ ਹੈ।
