KMV Stunning performance on stage by Harbhajan Mann and eminent Punjabi artists

ਜਲੰਧਰ (ਕੇਸਰੀ ਨਿਊਜ਼ ਨੈੱਟਵਰਕ)-ਭਾਰਤ ਦੀ ਵਿਰਾਸਤ ਸੰਸਥਾ ਕੰਨਿਆ ਮਹਾ ਵਿਦਿਆਲਾ, ਆਟੋਨਾਮਸ ਕਾਲਜ, ਜਲੰਧਰ ਵਿਖੇ ਇੱਕ ਵਿਸ਼ੇਸ਼ ਸੰਗੀਤਕ ਪ੍ਰੋਗਰਾਮ ਦਾ ਆਯੋਜਨ ਕੀਤਾ ਗਿਆ।

ਪੰਜਾਬੀ ਗਾਇਕੀ ਦੇ ਨਾਲ-ਨਾਲ ਪੰਜਾਬੀ ਫਿਲਮ ਇੰਡਸਟਰੀ ਵਿਚ ਆਪਣਾ ਨਾਮਨਾ ਖੱਟਣ ਵਾਲੇ ਗਾਇਕ ਅਤੇ ਕਲਾਕਾਰ ਹਰਭਜਨ ਮਾਨ ਅਤੇ ਅਮਰਨੂਰੀ ਦੇ ਨਾਲ-ਨਾਲ ਡੇਲਬਰ ਆਰੀਆ ਨੇ ਇਸ ਪ੍ਰੋਗਰਾਮ ‘ਚ ਆਪਣੀ ਸ਼ਿਰਕਤ ਕੀਤੀ। ਕਲਾਕਾਰਾਂ ਦਾ ਵਿਦਿਆਲਾ ਪ੍ਰਿੰਸੀਪਲ ਪ੍ਰੋ. ਅਤਿਮਾ ਸ਼ਰਮਾ ਦਿਵੇਦੀ ਨੇ ਨਿੱਘਾ ਸੁਆਗਤ ਕੀਤਾ।

ਇਸਤੋਂ ਉਪਰੰਤ ਗਾਇਕ ਹਰਭਜਨ ਮਾਨ ਵੱਲੋਂ ਗਾਏ ਬੇਹੱਦ ਪ੍ਰਸਿੱਧ ਗੀਤਾਂ ਨੇ ਸਮੂਹ ਕੇ.ਐਮ.ਵੀ. ਦੀਆਂ ਵਿਦਿਆਰਥਣਾਂ ਨੂੰ ਝੂੰਮਣ ਲਗਾ ਦਿੱਤਾ। ਕਈ ਮਹੱਤਵਪੂਰਨ ਸਨਮਾਨ ਹਾਸਿਲ ਕਰਨ ਵਾਲੇ ਹਰਭਜਨ ਮਾਨ ਅਤੇ ਅਮਰਨੂਰੀ ਵੱਲੋਂ ਦਿੱਲ ਖਿੱਚਵੇਂ ਅੰਦਾਜ਼ ‘ਚ ਵੱਖ-ਵੱਖ ਗੀਤ ਦੀ ਤਾੜੀਆਂ ਦੀ ਗੜਗੜਾਹਟ ‘ਚ ਕੀਤੀ ਗਈ ਪੇਸ਼ਕਾਰੀ ਨੇ ਖੂਬ ਵਾਹ-ਵਾਹੀ ਖੱਟੀ।

ਇਸਦੇ ਨਾਲ ਹੀ ਉਹਨਾਂ ਨੇ ਆਪਣੀ ਆਉਣ ਵਾਲੀ ਪੰਜਾਬੀ ਫਿਲਮ ਪੀ.ਆਰ. ਸੰਬੰਧੀ ਵੀ ਗੱਲ ਕਰਦਿਆਂ ਹੋਇਆਂ ਇਸ ਵਿਚ ਫਿਲਮਾਏ ਗੀਤਾਂ ਦੇ ਬੋਲ ਵੀ ਪ੍ਰੋਗਰਾਮ ਦੌਰਾਨ ਸਾਂਝੇ ਕੀਤੇ। ਮੈਡਮ ਪਿ੍ਰੰਸੀਪਲ ਪ੍ਰੋ. ਅਤਿਮਾ ਸ਼ਰਮਾ ਦਿਵੇਦੀ ਨੇ ਇਸ ਸੁਰਮਈ ਪ੍ਰੋਗਰਾਮ ਦੇ ਸਫਲ ਆਯੋਜਨ ਲਈ ਸਮੂਹ ਡਾ. ਮਧੁਮੀਤ, ਡਾ. ਗੁਰਜੋਤ, ਡਾ. ਪ੍ਰਦੀਪ ਅਰੋੜਾ, ਸ਼੍ਰੀਮਤੀ ਵੀਨਾ ਦੀਪਕ ਅਤੇ ਸ਼੍ਰੀਮਤੀ ਆਨੰਦ ਪ੍ਰਭਾ ਅਤੇ ਮੈਡਮ ਗੀਤਿਕਾ ਸਿੰਘ ਦੇ ਨਾਲ-ਨਾਲ ਸਮੂਹ ਆਯੋਜਕ ਮੰਡਲ ਨੂੰ ਵਧਾਈ ਦਿੱਤੀ।