MGN Public School, Adarsh Nagar, Jalandhar conducted Investor’s Ceremony for the session 2022-23

  ਜਲੰਧਰ, 4 ਮਈ (ਕੇਸਰੀ ਨਿਊਜ਼ ਨੈੱਟਵਰਕ)-ਸੈਸ਼ਨ 2022-23 ਲਈ ਇਨਵੈਸਟੀਚਰ ਸੈਰੇਮਨੀ ਸਮਾਰੋਹ ਐਮ.ਜੀ.ਐਨ. ਪਬਲਿਕ ਸਕੂਲ, ਆਦਰਸ਼ ਨਗਰ, ਜਲੰਧਰ ਵਿਖੇ ਆਯੋਜਿਤ ਕੀਤਾ ਗਿਆ।

ਸਕੂਲ ਨੇ ਮੌਜੂਦਾ ਸੈਸ਼ਨ ਲਈ ਵਿਦਿਆਰਥੀ ਅਹੁਦੇਦਾਰਾਂ ਨੂੰ ਜ਼ਿੰਮੇਵਾਰੀ ਸੌਂਪੀ। ਜੁਗਾਦ ਸਿੰਘ ਨੂੰ ਹੈੱਡ ਬੁਆਏ ਅਤੇ ਸਨਮੀਤ ਕੌਰ ਨੂੰ ਹੈੱਡ ਗਰਲ ਨਿਯੁਕਤ ਕੀਤਾ ਗਿਆ ਹੈ। ਜਾਨੀਆ ਵਧਵਾ ਅਤੇ ਸਨਿਮਰਜੋਤ ਸਿੰਘ ਕ੍ਰਮਵਾਰ ਡਿਪਟੀ ਹੈੱਡ ਗਰਲ ਅਤੇ ਡਿਪਟੀ ਹੈੱਡ ਬੁਆਏ ਦੀਆਂ ਜ਼ਿੰਮੇਵਾਰੀਆਂ ਨਿਭਾਉਣਗੇ। ਹੈੱਡ ਬੁਆਏ, ਹੈੱਡ ਗਰਲ, ਡਿਪਟੀ ਹੈੱਡ ਬੁਆਏ, ਡਿਪਟੀ ਹੈੱਡ ਗਰਲ ਸਮੇਤ ਕਪਤਾਨ, ਉਪ ਕਪਤਾਨ, ਖੇਡ ਕਪਤਾਨ, ਸੱਭਿਆਚਾਰਕ ਕਪਤਾਨ ਅਤੇ ਚਾਰੇ ਹਾਊਸਾਂ ਦੇ ਪ੍ਰਧਾਨਾਂ ਨੇ ਆਪਣੀ ਜ਼ਿੰਮੇਵਾਰੀ ਤਨਦੇਹੀ ਨਾਲ ਨਿਭਾਉਣ ਦਾ ਪ੍ਰਣ ਲਿਆ।

ਫਿਜ਼ਾ ਮਨਚੰਦਾ ਅਤੇ ਗੁਰਕੀਰਤ ਸਿੰਘ (ਹੈੱਡ ਗਰਲ ਅਤੇ ਹੈੱਡ ਬੁਆਏ ਸੈਸ਼ਨ 2021-22) ਨੇ  ਫੁੱਲਾ ਦੇ ਗੁਲਦਸਤੇ  ਨਾਲ ਹੈੱਡ ਬੁਆਏ ਅਤੇ ਹੈੱਡ ਗਰਲ ਨੂੰ ਵਧਾਈ ਦਿੱਤੀ ਅਤੇ ਆਪਣੀਆਂ ਸ਼ੁੱਭ ਕਾਮਨਾਵਾਂ ਦਿੱਤੀਆਂ। ਪਿ੍ੰਸੀਪਲ ਸ੍ਰੀ ਕੰਵਲਜੀਤ ਸਿੰਘ ਰੰਧਾਵਾ ਅਤੇ ਵਾਈਸ ਪਿ੍ੰਸੀਪਲ ਸ੍ਰੀ ਗੁਰਜੀਤ ਸਿੰਘ ਨੇ ਹੈੱਡ ਬੁਆਏ, ਹੈੱਡ ਗਰਲ, ਡਿਪਟੀ ਹੈੱਡ ਬੁਆਏ ਅਤੇ ਡਿਪਟੀ ਹੈੱਡ ਗਰਲ ਨੂੰ ਵਧਾਈ ਦਿੱਤੀ ਅਤੇ ਉਨ੍ਹਾਂ ਨੂੰ ਆਪਣੀ ਡਿਊਟੀ ਤਨਦੇਹੀ ਅਤੇ ਇਮਾਨਦਾਰੀ ਨਾਲ ਨਿਭਾਉਣ ਦੀ ਪ੍ਰੇਰਨਾ ਦਿੰਦੇ ਹੋਏ ਉਨ੍ਹਾਂ ਨੂੰ ਵਧਾਈ ਦਿੱਤੀ।

ਸ਼੍ਰੀਮਤੀ ਸੰਗੀਤਾ ਭਾਟੀਆ-ਇੰਚਾਰਜ ਪ੍ਰਾਇਮਰੀ ਵਿੰਗ, ਸ਼੍ਰੀਮਤੀ ਸੂਖਮ-ਇੰਚਾਰਜ ਪ੍ਰੀ ਪ੍ਰਾਇਮਰੀ ਵਿੰਗ, ਸ਼੍ਰੀਮਤੀ ਅਮਰਦੀਪ ਕੌਰ-ਕੋਆਰਡੀਨੇਟਰ ਸੀਨੀ .ਸੈਕੰ. ਵਿੰਗ, ਸ਼੍ਰੀਮਤੀ ਇੰਦਰਪ੍ਰੀਤ ਕੌਰ-ਸੀ.ਬੀ.ਐਸ.ਈ ਕੋਆਰਡੀਨੇਟਰ ਅਤੇ ਸ਼੍ਰੀ ਸਤਵਿੰਦਰ ਸਿੰਘ-ਕੋਆਰਡੀਨੇਟਰ ਸੀਨੀ. ਵਿੰਗ ਨੇ ਵੀ ਵਿਦਿਆਰਥੀਆਂ ਨੂੰ ਸਰਟੀਫਿਕੇਟ ਅਤੇ ਸਨਮਾਨ ਪੱਤਰ ਭੇਂਟ ਕੀਤੇ। ਉਨ੍ਹਾਂ ਦੀ ਪ੍ਰਾਪਤੀ ਲਈ ਉਨ੍ਹਾਂ ਨੂੰ ਵਧਾਈ ਦਿੱਤੀ।