ਜਲੰਧਰ, 20 ਅਪ੍ਰੈਲ (ਕੇਸਰੀ ਨਿਊਜ਼ ਨੈੱਟਵਰਕ) : ਭਾਰਤ ਦੀ ਵਿਰਾਸਤ ਅਤੇ ਆਟੋਨਾਮਸ ਸੰਸਥਾ, ਕੰਨਿਆ ਮਹਾਂ ਵਿਦਿਆਲਾ, ਜਲੰਧਰ ਦੇ ਪੋਸਟ ਗ੍ਰੈਜੂਏਟ ਡਿਪਾਰਟਮੈਂਟ ਆਫ ਫਿਜ਼ਿਕਸ ਦੁਆਰਾ ਵਿਦਿਆਲਾ ਦੇ ਇੰਟਰਨਲ ਕੁਆਲਿਟੀ ਅਸ਼ੋਰੇਂਸ ਸੈੱਲ ਦੇ ਨਾਲ ਮਿਲ ਕੇ ਕੋ ਕਾਲਜ ਯੂਨਾਈਟਿਡ ਸਟੇਟਸ ਵਿਖੇ ਵਰਚੁਅਲ ਵਿਜ਼ਿਟ-ਕਮ-ਐਕਸਪਰਟ ਟਾਕ ਦਾ ਆਯੋਜਨ ਕਰਵਾਇਆ ਗਿਆ। ਪ੍ਰੋ. ਅਫੈਟੀਗੈਟੋ ਫਰਾਨ ਐਲੀਸਨ ਅਤੇ ਫਰਾਂਸਿਸ ਹਾਲਫਿਨ ਪ੍ਰੋਫ਼ੈਸਰ ਅਤੇ ਚੇਅਰ ਫਿਜ਼ਿਕਸ ਵਿਭਾਗ ਨੇ ਇਸ ਆਯੋਜਨ ਦੀ ਵਿੱਚ ਬਤੌਰ ਸਰੋਤ ਬੁਲਾਰਾ ਸ਼ਿਰਕਤ ਕੀਤੀ।

100 ਤੋਂ ਵੀ ਵੱਧ ਵਿਦਿਆਰਥਣਾਂ ਅਤੇ ਫੈਕਲਟੀ ਦੀ ਸ਼ਿਰਕਤ ਵਾਲੇ ਇਸ ਆਯੋਜਨ ਦੌਰਾਨ ਪ੍ਰੋ. ਮਾਰੀਓ ਨੇ ਫ਼ੀਚਰ ਆਫ ਗਲਾਸਿਜ਼ ਵਿਸ਼ੇ ਸਬੰਧੀ ਵਿਸਥਾਰ ਸਹਿਤ ਜਾਣਕਾਰੀ ਪ੍ਰਦਾਨ ਕੀਤੀ। ਆਪਣੇ ਸੰਬੋਧਨ ਦੌਰਾਨ ਉਨ੍ਹਾਂ ਨੇ ਕੁਦਰਤੀ ਵਰਤਾਰਿਆਂ ਜਿਵੇਂ:- ਜਵਾਲਾਮੁਖੀ ਫਟਣ, ਭੂ-ਵਿਗਿਆਨਕ ਪ੍ਰਕਿਰਿਆਵਾਂ ਆਦਿ ਰਾਹੀਂ ਗਲਾਸਿਜ਼ ਦੇ ਬਣਨ ਦੀ ਪ੍ਰਕਿਰਿਆ ਸਬੰਧੀ ਵਿਸਥਾਰ ਸਹਿਤ ਚਰਚਾ ਕਰਨ ਦੇ ਨਾਲ-ਨਾਲ ਦੰਦਾਂ ਦੀ ਦਰਦ ਤੋਂ ਰਾਹਤ ਅਤੇ ਦੰਦਾਂ ਦੀ ਮੁਰੰਮਤ ਦੇ ਲਈ ਟੁੱਥਪੇਸਟ ਵਿੱਚ ਵਰਤੇ ਜਾਂਦੇ ਬਾਇਓ-ਐਕਟਿਵ ਗਲਾਸਿਜ਼ ਬਾਰੇ ਵੀ ਜਾਣਕਾਰੀ ਪ੍ਰਦਾਨ ਕੀਤੀ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਇਹ ਵੀ ਦੱਸਿਆ ਕਿ ਬੋਰੇਟ ‘ਤੇ ਆਧਾਰਿਤ ਗਲਾਸ ਕਿਸੇ ਵੀ ਜ਼ਖਮ ਨੂੰ ਛੇਤੀ ਭਰਨ ਵਿਚ ਸਹਾਇਕ ਸਾਬਿਤ ਹੁੰਦੇ ਹਨ ।

ਅੱਗੇ ਗੱਲ ਕਰਦੇ ਹੋਏ ਪ੍ਰੋ. ਅਫੈਟੀਗੈਟੋ ਨੇ ਅਤਿ ਆਧੁਨਿਕ ਉਪਕਰਣਾਂ ਦੇ ਨਾਲ ਲੈਸ ਕੋ ਕਾਲਜ ਦੀ ਰਿਸਰਚ ਲੈਬਾਰਟਰੀ ਦੀ ਵਰਚੁਅਲ ਵਿਜ਼ਿਟ ਦਾ ਵੀ ਪ੍ਰਬੰਧ ਕੀਤਾ ਜਿੱਥੇ ਵਿਦਿਆਰਥਣਾਂ ਨੇ ਐਰੋ ਲੈਵਿਏਸ਼ਨ ਮੈਕਨਿਜ਼ਮ ਦੀ ਮਦਦ ਦੇ ਨਾਲ  ਕੱਚ ਦੇ ਮਣਕਿਆਂ ਦੀ ਤਿਆਰੀ ਬਾਰੇ ਜਾਣਿਆ। ਇਸ ਤੋਂ ਇਲਾਵਾ ਵਿਦਿਆਰਥੀਆਂ ਨੇ ਸਕੈਨਿੰਗ ਇਲੈਕਟ੍ਰੋਨ ਮਾਈਕਰੋਸਕੋਪ, ਅਟੌਮਿਕ ਫੋਰਸ ਮਾਈਕਰੋਸਕੋਪ, ਐਕਸਰੇ ਡਿਫਰੈਕਸ਼ਨ, ਰਮਨ ਸਪੈਕਟਰੋਮੀਟਰ ਆਦਿ  ਜਿਹੇ ਉਪਕਰਨਾਂ ਬਾਰੇ ਵੀ ਜਾਣਕਾਰੀ ਹਾਸਿਲ ਕੀਤੀ।

ਪ੍ਰੋਗਰਾਮ ਦੇ ਅੰਤ ਵਿਚ ਸਰੋਤ ਬੁਲਾਰੇ ਵੱਲੋਂ ਵਿਦਿਆਰਥਣਾਂ ਦੁਆਰਾ ਪੁੱਛੇ ਗਏ ਵੱਖ-ਵੱਖ ਸਵਾਲਾਂ ਦੇ ਜਵਾਬ ਵੀ ਬੇਹੱਦ ਤਸੱਲੀਬਖਸ਼ ਢੰਗ ਨਾਲ ਦਿੱਤੇ ਗਏ ਅਤੇ ਨਾਲ ਹੀ ਉਨ੍ਹਾਂ ਨੇ ਵਿਦਿਆਰਥਣਾਂ ਅਤੇ ਅਧਿਆਪਕਾਂ ਨੂੰ ਆਪਣੀ ਸੰਸਥਾ ਦੇ ਨਾਲ ਮਿਲ ਕੇ ਵਿਭਿੰਨ ਰਿਸਰਚ ਪ੍ਰੋਜੈਕਟਸ ਉੱਪਰ ਕੰਮ ਕਰਨ ਦਾ ਵੀ ਸੱਦਾ ਦਿੱਤਾ। ਵਿਦਿਆਲਾ ਪ੍ਰਿੰਸੀਪਲ ਪ੍ਰੋ. ਅਤਿਮਾ ਸ਼ਰਮਾ ਦਿਵੇਦੀ ਨੇ ਪ੍ਰੋ. ਮਾਰੀਓ ਅਫੈਟੀਗੈਟੋ ਦੇ ਪ੍ਰਤੀ ਦੁਆਰਾ ਵਿਦਿਆਰਥਣਾਂ ਨੂੰ  ਵਿਸ਼ੇ ਦੀ ਬੇਹੱਦ ਮਹੱਤਵਪੂਰਨ ਜਾਣਕਾਰੀ ਪ੍ਰਦਾਨ ਕਰਨ ਦੇ ਲਈ ਧੰਨਵਾਦ ਵਿਅਕਤ ਕਰਨ ਦੇ ਨਾਲ-ਨਾਲ ਇਸ ਸਫਲ ਆਯੋਜਨ ਦੇ ਲਈ ਸਮੂਹ ਫਿਜ਼ਿਕਸ ਵਿਭਾਗ ਅਤੇ ਆਈ.ਕਿਯੂ.ਏ.ਸੀ. ਦੁਆਰਾ ਕੀਤੇ  ਗਏ ਯਤਨਾਂ ਦੀ ਭਰਪੂਰ ਸ਼ਲਾਘਾ ਕੀਤੀ ।