आयुर्वेद पांच महाभूतों चिकित्सा प्रणाली
ਮੁੱਖ ਮਹਿਮਾਨ ਦਾ ਸਵਾਗਤ ਕਰਦੇ ਹੋਏ ਮੈਡਮ ਪ੍ਰਿੰਸੀਪਲ ਨੇ ਆਪਣੇ ਸੰਬੋਧਨ ਦੌਰਾਨ ਜਿੱਥੇ ਉਨ੍ਹਾਂ ਦੀ ਇਸ ਪ੍ਰੋਗਰਾਮ ਵਿੱਚ ਮੌਜੂਦਗੀ ਨੂੰ ਵਿਦਿਆਰਥਣਾਂ ਦੇ ਲਈ ਉਤਸ਼ਾਹਜਨਕ ਅਤੇ ਪ੍ਰੇਰਨਾਦਾਇਕ ਦੱਸਿਆ ਉਥੇ ਨਾਲ ਹੀ ਉਨ੍ਹਾਂ ਨੇ ਆਪਣੀ ਸਖ਼ਤ ਮਿਹਨਤ ਮੈਦਾਨ ਵਿੱਚ ਖੇਡਾਂ ਦੇ ਸਰਵਸ੍ਰੇਸ਼ਠ ਪ੍ਰਦਰਸ਼ਨ ਅਤੇ ਟੀਮ ਭਾਵਨਾ ਦੀ ਨਾਲ ਕੇ.ਐਮ.ਵੀ. ਦੇ ਮਾਨ-ਸਨਮਾਨ ਨੂੰ ਸਦਾ ਬਰਕਰਾਰ ਰੱਖਣ ਵਾਲੀਆਂ ਖਿਡਾਰਨਾਂ ਦੀਆਂ ਵੱਖ-ਵੱਖ ਉਪਲੱਬਧੀਆਂ ਤੇ ਉਨ੍ਹਾਂ ਨੂੰ ਮੁਬਾਰਕਬਾਦ ਵੀ ਦਿੱਤੀ।
ਮੁੱਖ ਮਹਿਮਾਨ ਸ੍ਰੀ ਚੰਦਰਮੋਹਨ ਜੀ ਨੇ ਇਸ ਮੌਕੇ ਸੰਬੋਧਿਤ ਹੁੰਦੇ ਹੋਏ ਕਿਹਾ ਕਿ ਖੇਲਾਂ ਹਰੇਕ ਇਨਸਾਨ ਦੇ ਜੀਵਨ ਵਿਚ ਆਪਣਾ ਮਹੱਤਵਪੂਰਨ ਰੋਲ ਅਦਾ ਕਰਦੀਆਂ ਹਨ ਕਿਉਂਕਿ ਇਹ ਜਿੱਥੇ ਕਿਸੇ ਵੀ ਇਨਸਾਨ ਨੂੰ ਆਪਣੀਆਂ ਸਮਰੱਥਾਵਾਂ ਦਾ ਸਹੀ ਇਸਤੇਮਾਲ ਕਰਦੇ ਹੋਏ ਜੀਵਨ ਵਿਚ ਅੱਗੇ ਵਧਣ ਦੇ ਲਈ ਪ੍ਰੇਰਿਤ ਕਰਦੀਆਂ ਹਨ ਉੱਥੇ ਨਾਲ ਹੀ ਪੂਰੇ ਆਤਮਵਿਸ਼ਵਾਸ ਦੇ ਨਾਲ ਬਾਕਮਾਲ ਕਾਰਗੁਜ਼ਾਰੀ ਦੇ ਲਈ ਵੀ ਸਹਾਇਕ ਸਾਬਿਤ ਹੁੰਦੀਆਂ ਹਨ।
ਉਨ੍ਹਾਂ ਨੇ ਖੇਲ ਜਗਤ ਵਿਚ ਆਪਣਾ ਲੋਹਾ ਮੰਨਵਾ ਚੁੱਕੀਆਂ ਮਹਿਲਾ ਖਿਡਾਰਨਾਂ ਦੀ ਉਦਾਹਰਣ ਦਿੰਦੇ ਹੋਏ ਕਿਹਾ ਕਿ ਇਨ੍ਹਾਂ ਸਭ ਦਾ ਜੀਵਨ ਇਸ ਗੱਲ ਦਾ ਪ੍ਰਮਾਣ ਹੈ ਕਿ ਅਣਥੱਕ ਯਤਨ, ਸੰਕਲਪ, ਮਿਹਨਤ ਅਤੇ ਬੁਲੰਦ ਹੌਂਸਲੇ ਦੇ ਨਾਲ ਮੁਸ਼ਕਿਲਾਂ ਨੂੰ ਨਜਿੱਠਦੇ ਹੋਏ ਸਫਲਤਾ ਦੇ ਮਾਰਗ ਵੱਲ ਨਿਰੰਤਰ ਵਧਿਆ ਜਾ ਸਕਦਾ ਹੈ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਕਿਹਾ ਕਿ ਕੰਨਿਆ ਮਹਾਂ ਵਿਦਿਆਲਾ ਆਪਣੀਆਂ ਹੋਣਹਾਰ ਖਿਡਾਰਨਾਂ ਨੂੰ ਖੇਡਾਂ ਦੇ ਜਗਤ ਵਿਚ ਨਿਰੰਤਰ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਰਹਿਣ ਵਿੱਚ ਆਪਣਾ ਸਹਿਯੋਗ ਦੇਣ ਦੇ ਲਈ ਸਦਾ ਤਿਆਰ ਹੈ।
ਇਸ ਅਥਲੈਟਿਕ ਮੀਟ ਦੇ ਵਿਚ 100, 200 ਅਤੇ 400 ਮੀਟਰ ਦੀ ਦੌੜ ਦੇ ਨਾਲ-ਨਾਲ ਸਪੂਨ ਰੇਸ, ਟੱਗ ਆਫ਼ ਵਾਰ, ਮਿਊਜ਼ੀਕਲ ਚੇਅਰ, ਸ਼ਾਰਟਪੁੱਟ, ਲੌਂਗ ਜੰਪ, ਸੈਕ ਰੇਸ ਰੀਲੇਅ ਰੇਸ ਆਦਿ ਦਾ ਆਯੋਜਨ ਕਰਵਾਇਆ ਗਿਆ ਜਿਸ ਵਿਚ ਖਿਡਾਰੀਆਂ ਦੇ ਨਾਲ-ਨਾਲ ਨਾਨ ਪਲੇਅਰਜ਼ ਅਤੇ ਅਧਿਆਪਕਾਂ ਨੇ ਵੀ ਵਧ-ਚਡ਼੍ਹ ਕੇ ਭਾਗ ਲਿਆ। ਪ੍ਰੋਗਰਾਮ ਦੇ ਸਮਾਪਤੀ ਸਮਾਰੋਹ ਦੇ ਵਿਚ ਡਾ. ਸੁਖਦੇਵ ਸਿੰਘ, ਡਾਇਰੈਕਟਰ, ਸਪੋਰਟਸ ਅਤੇ ਮੁਖੀ, ਫਿਜ਼ੀਕਲ ਐਜੂਕੇਸ਼ਨ ਵਿਭਾਗ, ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ, ਅੰਮ੍ਰਿਤਸਰ ਨੇ ਬਤੌਰ ਮੁੱਖ ਮਹਿਮਾਨ ਸ਼ਿਰਕਤ ਕੀਤੀ। ਉਨ੍ਹਾਂ ਦੇ ਨਾਲ ਡਾ. ਅਮਨਦੀਪ ਸਿੰਘ, ਡਿਪਟੀ ਡਾਇਰੈਕਟਰ, ਸਪੋਰਟਸ, ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਅਤੇ ਡਾ. ਜਤਿੰਦਰਪਾਲ ਵੀ ਵਿਸ਼ੇਸ਼ ਰੂਪ ਵਿਚ ਹਾਜ਼ਰ ਹੋਏ ।
ਸਮੂਹ ਪਤਵੰਤਿਆਂ ਦੁਆਰਾ ਵੱਖ-ਵੱਖ ਮੁਕਾਬਲਿਆਂ ਵਿੱਚੋਂ ਜੇਤੂ ਰਹੀਆਂ ਖਿਡਾਰਨਾਂ ਨੂੰ ਇਨਾਮ ਤਕਸੀਮ ਕਰਨ ਦੇ ਨਾਲ-ਨਾਲ ਕੋਚ ਸਾਹਿਬਾਨਾਂ ਨੂੰ ਵੀ ਸਨਮਾਨ ਪ੍ਰਦਾਨ ਕੀਤੇ ਗਏ। ਇਸ ਅਥਲੈਟਿਕ ਮੀਟ ਦੇ ਅੰਤਰਗਤ ਹੋਏ ਵਿਭਿੰਨ ਮੁਕਾਬਲਿਆਂ ਦੇ ਨਤੀਜਿਆਂ ਵਿਚ
100 ਮੀਟਰ ਦੌੜ ਨਾਨ ਪਲੇਅਰਜ਼ ਸ਼੍ਰੇਣੀ ਵਿਚੋਂ ਨਿਸ਼ਾ, ਹਰਵਿੰਦਰ ਅਤੇ ਸਾਕਸ਼ੀ ਨੇ ਪਹਿਲਾ, ਦੂਸਰਾ ਅਤੇ ਤੀਸਰਾ ਸਥਾਨ ਹਾਸਿਲ ਕੀਤਾ ਜਦਕਿ ਇਸ ਹੀ ਦੌੜ ਦੀ ਪਲੇਅਰਜ਼ ਸ਼੍ਰੇਣੀ ਵਿੱਚ ਸਮੀਨਾ ਪਹਿਲੇ, ਮਨਪ੍ਰੀਤ ਦੂਸਰੇ ਅਤੇ ਗੀਤਾ ਰਾਣੀ ਦੇ ਨਾਲ-ਨਾਲ ਲਵਦੀਪ ਕੌਰ ਤੀਸਰੇ ਸਥਾਨ ‘ਤੇ ਰਹੀਆਂ। ਨਾਨ ਪਲੇਅਰਜ਼ ਸ਼੍ਰੇਣੀ ਵਿਚ ਥ੍ਰੀ ਲੈੱਗ ਰੇਸ ਵਿੱਚੋਂ ਹਰਵਿੰਦਰ ਕੌਰ ਅਤੇ ਨਿਸ਼ਾ ਨੇ ਪਹਿਲਾ ਸਥਾਨ ਹਾਸਿਲ ਕੀਤਾ।
ਪ੍ਰੀਤੀ ਅਤੇ ਸ਼ਾਨੂੰ ਦੂਸਰੇ ਸਥਾਨ ‘ਤੇ ਰਹੀਆਂ ਜਦਕਿ ਤੀਸਰਾ ਸਥਾਨ ਸਿਮਰਨ ਅਤੇ ਯਸ਼ਿਕਾ ਦੇ ਨਾਮ ਹੋਇਆ। 200 ਮੀਟਰ ਨਾਨ ਪਲੇਅਰਜ਼ ਸ਼੍ਰੇਣੀ ਦੌੜ ਵਿੱਚ ਹਰਵਿੰਦਰ ਪਹਿਲੇ, ਸਾਕਸ਼ੀ ਦੂਸਰੇ ਅਤੇ ਵੀਨਾਕਸ਼ੀ ਤੀਸਰੇ ਸਥਾਨ ‘ਤੇ ਰਹੀ। ਇਸ ਹੀ ਦੌੜ ਦੇ ਦੀ ਪਲੇਅਰਜ਼ ਸ਼੍ਰੇਣੀ ਵਿੱਚ ਪਹਿਲਾ ਸਥਾਨ ਸਮੀਨਾ ਨੂੰ ਪ੍ਰਾਪਤ ਹੋਇਆ। ਦੂਸਰੇ ਸਥਾਨ ਦੀ ਹੱਕਦਾਰ ਮਨਪ੍ਰੀਤ ਬਣੀ ਅਤੇ ਤੀਸਰਾ ਸਥਾਨ ਨੇਹਾ ਨੂੰ ਪ੍ਰਾਪਤ ਹੋਇਆ। ਲੌਂਗ ਜੰਪ ਮੁਕਾਬਲੇ ਦੀ ਨਾਨ ਪਲੇਅਰਜ਼ ਸ਼੍ਰੇਣੀ ਵਿਚੋਂ ਹਰਵਿੰਦਰ ਨੇ ਪਹਿਲਾ ਸਥਾਨ ਹਾਸਿਲ ਕੀਤਾ। ਨਿਸ਼ਾ ਦੂਸਰੇ ਸਥਾਨ ‘ਤੇ ਰਹੀ ਅਤੇ ਤੀਸਰਾ ਸਥਾਨ ਰਿੰਕਲ ਨੂੰ ਪ੍ਰਾਪਤ ਹੋਇਆ। ਇਸ ਹੀ ਮੁਕਾਬਲੇ ਦੀ ਪਲੇਅਰ ਸ਼੍ਰੇਣੀ ਵਿੱਚ ਆਸ਼ਾ ਪਹਿਲੇ, ਸਮੀਨਾ ਦੂਸਰੇ ਅਤੇ ਸਿਮਰਨ ਅਤੇ ਰੇਨੂੰ ਤੀਸਰੇ ਸਥਾਨ ‘ਤੇ ਰਹੀਆਂ। ਇਸ ਤੋਂ ਇਲਾਵਾ ਨਾਨ ਪਲੇਅਰਜ਼ ਦੇ ਲਈ ਸੈਕ ਰੇਸ ਦੇ ਵਿਚ ਪਹਿਲਾ ਸਥਾਨ ਸਿਮਰਨਪ੍ਰੀਤ ਕੌਰ ਨੇ, ਦੂਸਰਾ ਸਥਾਨ ਅਮੀਸ਼ਾ ਅਤੇ ਤੀਸਰਾ ਸਥਾਨ ਰਿਪੁਦਮਨ ਨੇ ਹਾਸਿਲ ਕੀਤਾ।
ਸ਼ਾਟਪੁੱਟ ਪਲੇਅਰਜ਼ ਸ਼੍ਰੇਣੀ ਵਿੱਚ ਪਹਿਲਾ ਸਥਾਨ ਰੇਨੂ, ਦੂਸਰਾ ਸਥਾਨ ਰਿਤਿਕਾ ਅਤੇ ਤੀਸਰਾ ਸਥਾਨ ਕਵਿਤਾ ਅਤੇ ਰਮਨਦੀਪ ਨੇ ਪ੍ਰਾਪਤ ਕੀਤਾ। ਰਿਲੇਅ ਰੇਸ ਪਲੇਅਰਜ਼ ਦੀ ਸ਼੍ਰੇਣੀ ਵਿਚ ਰਾਧਾ, ਗੀਤਾ, ਮਨਪ੍ਰੀਤ ਅਤੇ ਸਮੀਨਾ ਪਹਿਲੇ ਸਥਾਨ ਤੇ ਰਹੀਆਂ। ਨੇਹਾ, ਦਿਵਾਂਸ਼ੀ, ਕਵਿਤਾ ਅਤੇ ਸੋਨੀ ਨੇ ਦੂਸਰਾ ਸਥਾਨ ਹਾਸਿਲ ਕੀਤਾ ਜਦਕਿ ਹਰਮਨਪ੍ਰੀਤ, ਰਮਨਦੀਪ, ਸਿਮਰਨ ਅਤੇ ਰੇਨੂ ਤੀਸਰੇ ਸਥਾਨ ਦੀਆਂ ਹੱਕਦਾਰ ਬਣੀਆਂ। ਮਹਿਲਾ ਅਧਿਆਪਕਾਂ ਦੇ ਲਈ ਆਯੋਜਿਤ 50 ਮੀਟਰ ਦੌੜ ਦੇ ਅੰਡਰ 35 ਮੁਕਾਬਲੇ ਵਿਚ ਮੈਡਮ ਬਲਦੀਨਾ ਨੇ ਪਹਿਲਾ, ਗਰਿਮਾ ਨੇ ਦੂਸਰਾ ਅਤੇ ਮੈਡਮ ਦੀਪਿਕਾ ਨੇ ਤੀਸਰਾ ਸਥਾਨ ਹਾਸਿਲ ਕੀਤਾ। ਇਸਦੇ ਨਾਲ ਹੀ 35 ਸਾਲ ਉਮਰ ਵਰਗ ਤੋਂ ਜ਼ਿਆਦਾ ਦੀ ਸ਼੍ਰੇਣੀ ਵਿਚ ਡਾ. ਹਰਪ੍ਰੀਤ ਕੌਰ ਪਹਿਲੇ, ਡਾ. ਸੰਗੀਤਾ ਦੂਸਰੇ ਅਤੇ ਡਾ. ਨੀਤੂ ਚੋਪਡ਼ਾ ਤੀਸਰੇ ਸਥਾਨ ਤੇ ਰਹੀਆਂ।
400 ਮੀਟਰ ਦੌੜ ਪਲੇਅਰਜ਼ ਦੀ ਸ਼੍ਰੇਣੀ ਵਿੱਚ ਰਾਧਾ ਪਹਿਲੇ, ਮਨਪ੍ਰੀਤ ਕੌਰ ਦੂਸਰੇ ਅਤੇ ਰੇਨੂ ਤੀਸਰੇ ਸਥਾਨ ਤੇ ਰਹੀ। 400 ਮੀਟਰ ਨਾਨ ਪਲੇਅਰ ਸ਼੍ਰੇਣੀ ਵਿੱਚੋਂ ਸਾਕਸ਼ੀ, ਹਰਸ਼ਿਤਾ ਅਤੇ ਰਿੰਕਲ ਨੇ ਪਹਿਲਾ ਦੂਜਾ ਅਤੇ ਤੀਸਰਾ ਸਥਾਨ ਹਾਸਿਲ ਕੀਤਾ। ਸਪੂਨ ਰੇਸ ਨਾਨ ਪਲੇਅਰਜ਼ ਸ਼੍ਰੇਣੀ ਵਿੱਚੋਂ ਨੇਹਾ ਪਹਿਲੇ ਅਤੇ ਸ਼ਰੁਤੀ ਦੂਸਰੇ ਸਥਾਨ ‘ਤੇ ਰਹੀ। ਸਟਾਫ ਮੈਂਬਰਾਂ ਲਈ ਆਯੋਜਿਤ ਥ੍ਰੀ ਲੈੱਗ ਰੇਸ ਵਿੱਚੋਂ ਅਮਨਦੀਪ ਅਤੇ ਗੁਰਕਿਰਨ ਨੇ ਪਹਿਲਾ, ਕੁਲਬੀਰ ਅਤੇ ਹਿਨਾ ਨੇ ਦੂਸਰਾ ਅਤੇ ਡਿੰਪਲ ਅਤੇ ਸੰਦੀਪ ਨੇ ਤੀਸਰਾ ਸਥਾਨ ਹਾਸਿਲ ਕੀਤਾ। ਇਸ ਆਯੋਜਨ ਦੇ ਵਿੱਚੋਂ ਨਾਨ ਪਲੇਅਰਜ਼ ਸ਼੍ਰੇਣੀ ਵਿੱਚੋਂ ਬੈਸਟ ਅਥਲੀਟ ਹਰਵਿੰਦਰ ਨੂੰ ਚੁਣਿਆ ਗਿਆ ਅਤੇ ਪਲੇਅਰਜ਼ ਸ਼੍ਰੇਣੀ ਵਿੱਚੋਂ ਬੈਸਟ ਅਥਲੀਟ ਦਾ ਐਵਾਰਡ ਸਮੀਨਾ ਨੂੰ ਪ੍ਰਾਪਤ ਹੋਇਆ। ਮੈਡਮ ਪ੍ਰਿੰਸੀਪਲ ਨੇ ਸਨਮਾਨ ਹਾਸਿਲ ਕਰਨ ਵਾਲੀਆਂ ਸਮੂਹ ਵਿਜੇਤਾ ਵਿਦਿਆਰਥਣਾਂ ਨੂੰ ਮੁਬਾਰਕਬਾਦ ਦੇਣ ਦੇ ਨਾਲ-ਨਾਲ ਇਸ ਪ੍ਰੋਗਰਾਮ ਦੇ ਸਫਲ ਆਯੋਜਨ ਦੇ ਲਈ ਡਾ. ਦਵਿੰਦਰ ਸਿੰਘ, ਫਿਜ਼ੀਕਲ ਐਜੂਕੇਸ਼ਨ ਵਿਭਾਗ ਅਤੇ ਸਮੂਹ ਸਟਾਫ ਮੈਂਬਰਾਂ ਦੁਆਰਾ ਕੀਤੇ ਗਏ ਯਤਨਾਂ ਦੀ ਵੀ ਸ਼ਲਾਘਾ ਕੀਤੀ।
