Skilled Course Certification Programme in Investor Education and Awareness at HMV

ਜਲੰਧਰ (ਕੇਸਰੀ ਨਿਊਜ਼ ਨੈੱਟਵਰਕ)-ਹੰਸਰਾਜ ਮਹਿਲਾ ਮਹਾਵਿਦਿਆਲਾ ਦੇ ਪੀਜੀ ਵਿਭਾਗ ਕਾਮਰਸ ਐਂਡ ਮੈਨੇਜਮੇਂਟ ਦੇ ਕਾਮਰਸ ਕਲੱਬ ਵੱਲੋਂ 5 ਦਿਨਾ ਇਨਵੈਸਟਰ ਐਜੂਕੇਸ਼ਨ ਅਤੇ ਜਾਗਰੂਕਤਾ ਵਿਸ਼ੇ ਤੇ ਸਕਿਲਡ ਕੋਰਸ ਸਰਟੀਫਿਕੇਸ਼ਨ ਪ੍ਰੋਗਰਾਮ ਦਾ ਆਯੋਜਨ ਕੀਤਾ ਗਿਆ | ਇਹ ਆਯੋਜਨ ਐਨਆਈਐਸਅਮ ਦੇ ਸਹਿਯੋਗ ਨਾਲ ਐਸਈਬੀਆਈ ਅਤੇ ਕੋਟਕ ਸਕਿਓਰਟੀ ਲਿਮਿਟੇਡ ਅਧੀਨ ਪਿ੍ੰਸੀਪਲ ਪ੍ਰੋ. ਡਾ. (ਸ਼੍ਰੀਮਤੀ) ਅਜੇ ਸਰੀਨ ਜੀ ਦੇ ਦਿਸ਼ਾ-ਨਿਰਦੇਸ਼ ਹੇਠ ਕੀਤਾ ਗਿਆ |

ਐਚ.ਐਮ.ਵੀ. ਦੀ ਪਰੰਪਰਾ ਅਨੁਸਾਰ ਪੋ੍ਰਗਰਾਮ ਕੋਆਰਡੀਨੇਟਰ ਅਤੇ ਡੀਨ ਸਟੂਡੈਂਟ ਵੈਲਫੇਅਰ ਸ਼੍ਰੀਮਤੀ ਬੀਨੂ ਗੁਪਤਾ, ਵਿਭਾਗ ਮੁਖੀ ਸ਼੍ਰੀਮਤੀ ਮੀਨੂ ਕੋਹਲੀ, ਇੰਚਾਰਜ ਸ਼੍ਰੀਮਤੀ ਕਾਜਲ ਪੁਰੀ ਅਤੇ ਡਾ. ਜਸਪ੍ਰੀਤ ਕੌਰ ਨੇ ਰਿਸੋਰਸ ਪਰਸਨ ਦਾ ਸਵਾਗਤ ਕੀਤਾ | ਸ਼੍ਰੀਮਤੀ ਬੀਨੂ ਗੁਪਤਾ ਨੇ ਕਿਹਾ ਕਿ ਸਕਿਲਡ ਕੋਰਸ ਦਾ ਉਦੇਸ਼ ਵਿਦਿਆਰਥਣਾਂ ਨੂੰ ਆਰਥਿਕ ਤੌਰ ਤੇ ਸਿੱਖਿਅਤ ਅਤੇ ਮਜਬੂਤ ਬਣਾਉਣਾ ਹੈ ਤਾਂ ਕਿ ਉਨ੍ਹਾਂ ਦਾ ਭਵਿੱਖ ਸੁਰੱਖਿਅਤ ਹੋ ਸਕੇ |

ਪਹਿਲੇ ਦਿਨ ਦੇ ਰਿਸੋਰਸ ਪਰਸਨ ਡਾ. ਆਸ਼ੀਸ਼ ਅਰੋੜਾ ਹੈਡ ਯੂਬੀਐਸ, ਜੀਐਨਡੀਯੂ ਕਾਲਜ, ਜਲੰਧਰ ਰਹੇ | ਉਨ੍ਹਾਂ ਨੇ ਵਿਦਿਆਰਥਣਾਂ ਨੂੰ ਸ਼ੇਅਰ ਮਾਰਕੀਟ, ਸਟੇਕ ਹੋਲਡਰਾਂ ਅਤੇ ਨਿਵੇਸ਼ ਬਾਰੇ ਜਾਣਕਾਰੀ ਦਿੱਤੀ | ਦੂਸਰੇ ਅਤੇ ਤੀਸਰੇ ਦਿਨ ਦੇ ਰਿਸੋਰਸ ਪਰਸਨ ਐਸਈਬੀਆਈ ਦੇ ਸਾਬਕਾ ਡੀਜੀਐਮ ਅਤੇ ਐਸੋਸੀਏਸ਼ਨ ਆਫ ਮਿਊਚੂਅਲ ਫੰਡ ਇਨ ਇੰਡੀਆ ਦੇ ਸੀਨੀਅਰ ਕੰਸਲਟੈਂਟ ਸ਼੍ਰੀ ਸੂਰਯਕਾਂਤ ਸ਼ਰਮਾ ਸਨ | ਉਨ੍ਹਾਂ ਦੱਸਿਆ ਕਿ ਮਿਊਚੂਅਲ ਫੰਡਸ ਵਿੱਚ ਨਿਵੇਸ਼ ਤੁਹਾਡੇ ਆਰਥਿਕ ਸੁਪਨੇ ਪੂਰੇ ਕਰ ਸਕਦਾ ਹੈ |

ਉਨ੍ਹਾਂ ਕਿਹਾ ਕਿ ਪੂਰੀ ਆਰਥਿਕ ਪਲਾਨਿੰਗ ਨਾਲ ਹੀ ਨਿਵੇਸ਼ ਕਰਨਾ ਚਾਹੀਦਾ ਹੈ | ਚੌਥੇ ਅਤੇ ਪੰਜਵੇਂ ਦਿਨ ਦੇ ਰਿਸੋਰਸ ਪਰਸਨ ਐਨਆਈਐਸਐਮ ਦੇ ਸੁਸ਼੍ਰੀ ਅਨੀਤਾ ਸੈਨੀ ਸਨ | ਉਨ੍ਹਾਂ ਨੇ ਵਿਦਿਆਰਥਣਾਂ ਨੂੰ ਨਿਵੇਸ਼ ਦੀ ਮਹੱਤਤਾ ਦੱਸਦੇ ਹੋਏ ਆਰਥਿਕ ਸਿੱਖਿਆ ਬਾਰੇ ਦੱਸਿਆ | ਐਨਆਈਐਸਐਮ ਵੱਲੋਂ ਸੈਸ਼ਨ ਦੇ ਦੌਰਾਨ ਕਰਵਾਈ ਗਈ ਆਨਲਾਈਨ ਕਵਿਜ ਵਿੱਚ ਵਿਜੇਤਾ ਵਿਦਿਆਰਥਣਾਂ ਨੂੰ ਈ-ਸਰਟੀਫਿਕੇਟ ਦਿੱਤੇ ਗਏ |

ਪਿ੍ੰਸੀਪਲ ਪ੍ਰੋ. ਡਾ. (ਸ਼੍ਰੀਮਤੀ) ਅਜੇ ਸਰੀਨ ਜੀ ਨੇ ਕਿਹਾ ਕਿ ਸਕਿਲ ਕੋਰਸ ਅੱਜ ਦੇ ਸਮੇਂ ਦੀ ਮੰਗ ਹੈ | ਸਾਨੂੰ ਨਿਵੇਸ਼ ਦਾ ਸਹੀ ਫਾਇਦਾ ਉਠਾਉਣਾ ਚਾਹੀਦਾ ਹੈ | ਉਨ੍ਹਾਂ ਕਾਮਰਸ ਕਲੱਬ ਦੀ ਵੀ ਪ੍ਰਸ਼ੰਸਾ ਕੀਤੀ | ਮੰਚ ਸੰਚਾਲਨ ਸੁਸ਼੍ਰੀ ਆਂਚਲ ਅਤੇ ਸੁਸ਼੍ਰੀ ਅਨਮੋਲ ਨੇ ਕੀਤਾ | ਇਸ ਮੌਕੇ ਸ਼੍ਰੀਮਤੀ ਯੁਵਿਕਾ, ਸ਼੍ਰੀਮਤੀ ਰੀਤੂ ਬਾਹਰੀ, ਸ਼੍ਰੀਮਤੀ ਕਨਿਕਾ ਸ਼ਰਮਾ ਅਤੇ ਸੁਸ਼੍ਰੀ ਸ਼ਿਲਪਾ ਵੀ ਮੌਜੂਦ ਸਨ |
ਪਿ੍ੰਸੀਪਲ