Consequences of gold becoming cheaper in times of rising inflation
ਕੇਸਰੀ ਨਿਊਜ਼ ਨੈੱਟਵਰਕ (ਬਿਜ਼ਨੈਸ ਡੈਸਕ): ਰੂਸ ਅਤੇ ਯੂਕਰੇਨ ਵਿਚਾਲੇ ਚੱਲ ਰਹੀ ਜੰਗ ਕਾਰਨ ਦੁਨੀਆ ਭਰ ਦੇ ਬਾਜ਼ਾਰ ਅਸਥਿਰ ਹਨ। ਇਸ ਦਾ ਅਸਰ ਭਾਰਤ ਵਿੱਚ ਵੀ ਦੇਖਣ ਨੂੰ ਮਿਲ ਰਿਹਾ ਹੈ। ਸੋਨਾ 50 ਹਜ਼ਾਰ ਰੁਪਏ ਤੋਂ ਉੱਪਰ ਹੈ। ਅੰਤਰਰਾਸ਼ਟਰੀ ਪੱਧਰ ‘ਤੇ ਵੀ ਸੋਨਾ ਬਹੁਤ ਮਹਿੰਗਾ ਹੈ। ਹਾਲਾਂਕਿ, ਜੇਕਰ ਜੰਗ ਰੁਕ ਜਾਂਦੀ ਹੈ ਤਾਂ ਸੋਨਾ ਸਸਤਾ ਹੋਣ ਦੀ ਉਮੀਦ ਹੈ।
ਐਮਕੇ ਵੈਲਥ ਮੈਨੇਜਮੈਂਟ ਲਿਮਟਿਡ ਦੇ ਅਨੁਸਾਰ, ਸੋਨੇ ਦੀਆਂ ਕੀਮਤਾਂ ਵਧੀਆਂ ਹਨ ਪਰ ਰੂਸ-ਯੂਕਰੇਨ ਯੁੱਧ ਦੀ ਸਥਿਤੀ ਆਮ ਹੋਣ ‘ਤੇ ਡਿੱਗ ਸਕਦੀ ਹੈ। ‘ਨੈਵੀਗੇਟਰ’ ਨਾਮ ਦੀ ਇਕ ਰਿਪੋਰਟ ‘ਚ ਇਹ ਗੱਲ ਕਹੀ ਗਈ ਹੈ।
ਐਮਕੇ ਵੈਲਥ ਮੈਨੇਜਮੈਂਟ ਦੇ ਅਨੁਸਾਰ, ਯੂਨਾਈਟਿਡ ਕਿੰਗਡਮ ਨੂੰ ਛੱਡ ਕੇ ਬਾਕੀ ਯੂਰਪ ਵਿੱਚ ਅਜੇ ਤਕ ਵਿਆਜ ਦਰਾਂ ਵਿੱਚ ਵਾਧਾ ਨਹੀਂ ਕੀਤਾ ਗਿਆ ਹੈ ਅਤੇ ਅਜਿਹਾ ਮਹਿਸੂਸ ਕੀਤਾ ਜਾ ਰਿਹਾ ਹੈ ਕਿ ਇਸ ਵਿੱਚ ਦੇਰੀ ਹੋ ਸਕਦੀ ਹੈ।
ਰਿਪੋਰਟ ‘ਚ ਕਿਹਾ ਗਿਆ ਹੈ ਕਿ ਪੂਰਬੀ ਯੂਰਪ ‘ਚ ਜੰਗ ਸ਼ੁਰੂ ਹੋਣ ਤੋਂ ਬਾਅਦ ਸੋਨਾ 2070 ਅਮਰੀਕੀ ਡਾਲਰ ‘ਤੇ ਪਹੁੰਚ ਗਿਆ ਸੀ। ਇਹ ਕੁਝ ਹੱਦ ਤਕ ਸੁਰੱਖਿਆ ਚਿੰਤਾਵਾਂ ਦਾ ਨਤੀਜਾ ਸੀ। ਹਾਲਾਂਕਿ, ਯੁੱਧ ਦੀ ਸਥਿਤੀ ਵਿੱਚ ਥੋੜ੍ਹੀ ਜਿਹੀ ਨਰਮੀ ਦੇ ਨਾਲ, ਸੋਨੇ ਦੀਆਂ ਕੀਮਤਾਂ US$ 1923 ਤੱਕ ਡਿੱਗ ਗਈਆਂ ਹਨ।
ਯੂ.ਕੇ. ਅਤੇ ਯੂਰਪ ਤੋਂ ਬਾਅਦ ਮਹਿੰਗਾਈ 40 ਸਾਲ ਦੇ ਉੱਚੇ ਪੱਧਰ ‘ਤੇ ਪਹੁੰਚ ਗਈ। ਭਾਰਤ ਵਿੱਚ ਵੀ ਕੀਮਤ ਪੱਧਰ ਦਾ ਦਬਾਅ ਸਾਹਮਣੇ ਆਇਆ ਹੈ। ਇਸ ਨਾਲ ਸੋਨੇ ਦੀ ਮੰਗ ਵਧੀ ਹੈ।
ਰਿਪੋਰਟ ਦੇ ਅਨੁਸਾਰ, ਸੰਖੇਪ ਵਿੱਚ, ਦੋ ਕਾਰਕਾਂ – ਮਹਿੰਗਾਈ ਅਤੇ ਯੁੱਧ – ਨੇ ਸੋਨੇ ਦੀਆਂ ਕੀਮਤਾਂ ਵਿੱਚ ਤੇਜ਼ੀ ਨੂੰ ਹਵਾ ਦਿੱਤੀ ਹੈ। ਗੋਲਡ ETF ਵਿੱਚ ਜਨਵਰੀ ਵਿੱਚ ਤੇਜ਼ੀ ਤੋਂ ਬਾਅਦ ਫਰਵਰੀ ਵਿੱਚ USD 2 ਬਿਲੀਅਨ ਦਾ ਸ਼ੁੱਧ ਪ੍ਰਵਾਹ ਹੋਇਆ ਹੈ