ਕੇਸਰੀ ਨਿਊਜ਼ ਨੈੱਟਵਰਕ: ਹਿੰਦੂ ਕੰਨਿਆ ਕਾਲਜ ਤੇ ਕਾਲਜੀਏਟ ਸਕੂਲ, ਕਪੂਰਥਲਾ  ਦੇ ਸਰੀਰਿਕ  ਸਿੱਖਿਆ ਵਿਭਾਗ ਵੱਲੋਂ  ਇਕ ਅੰਤਰ-ਕਲਾਸ ਰੱਸਾਕਸ਼ੀ ਮੁਕਾਬਲਾ ਕਰਵਾਇਆ ਗਿਆ, ਜਿਸ ਵਿਚ ਸਕੂਲ ਅਤੇ ਕਾਲਜ ਦੇ 80 ਵਿਦਿਆਰਥੀਆਂ ਨੇ ਬੜੇ ਉਤਸ਼ਾਹ ਨਾਲ ਵੱਧ ਚੜ੍ਹ ਕੇ   ਭਾਗ ਲਿਆ।

ਰੱਸਾਕਸ਼ੀ ਮੁਕਾਬਲੇ ਵਿੱਚ   10+1(ਕਾਮਰਸ) ਦੀ ਟੀਮ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਅਤੇ ਈਵੈਂਟ ਦੀ ਜੇਤੂ ਬਣ ਗਈ।  B.A.- ਸਮੈਸਟਰ ਦੂਜਾ  ਦੀ ਟੀਮ ਨੇ ਦੂਜਾ ਸਥਾਨ ਹਾਸਲ ਕੀਤਾ।  ਪ੍ਰਿੰਸੀਪਲ, ਡਾ. ਅਰਚਨਾ ਗਰਗ ਨੇ ਜੇਤੂ ਟੀਮ ਨੂੰ ਵਧਾਈ ਦਿੱਤੀ ਅਤੇ ਸਾਰੇ ਵਿਦਿਆਰਥੀਆਂ ਨੂੰ ਅਜਿਹੇ ਮਨੋਰੰਜਕ ਊਰਜਾ ਭਰਪੂਰ ਮੁਕਾਬਲਿਆਂ ਵਿੱਚ ਭਾਗ ਲੈਣ ਲਈ ਪ੍ਰੇਰਿਤ ਕੀਤਾ, ਕਿਉਂਕਿ ਖੇਡ ਮੁਕਾਬਲੇ  ਨਾ ਸਿਰਫ਼ ਟੀਮ ਭਾਵਨਾ ਨੂੰ ਉਤਸ਼ਾਹਿਤ ਕਰਦੇ ਹਨ, ਸਗੋਂ ਉਨ੍ਹਾਂ ਨੂੰ ਨੈਤਿਕ ਅਤੇ ਸਰੀਰਕ ਤੌਰ ‘ਤੇ ਵੀ ਮਜ਼ਬੂਤ ਕਰਦੇ ਹਨ।

ਭਾਗੀਦਾਰਾਂ ਨੂੰ ਵਧੀਆ ਪ੍ਰਦਰਸ਼ਨ ਕਰਨ ਲਈ ਪ੍ਰੇਰਿਤ ਕਰਨ ਲਈ ਸਮਾਗਮ ਦੌਰਾਨ ਵਿਭਾਗ ਦੀ ਮੁਖੀ ਸ੍ਰੀਮਤੀ ਜਸਵੰਤ ਕੌਰ ਵੀ ਮੌਜੂਦ ਸਨ।  ਇਹ ਮੁਕਾਬਲਾ ਸਰੀਰਕ ਸਿੱਖਿਆ ਦੀ ਲੈਕਚਰਾਰ ਸ੍ਰੀਮਤੀ ਮੁਕਤੀ ਅਤੇ ਪੰਜਾਬੀ ਦੀ ਲੈਕਚਰਾਰ ਸ੍ਰੀਮਤੀ ਜਸਪ੍ਰੀਤ ਕੌਰ ਦੀ ਸ਼ਾਨਦਾਰ ਨਿਗਰਾਨੀ ਹੇਠ ਕਰਵਾਇਆ ਗਿਆ।  ਪੂਰਾ ਇਵੈਂਟ ਦਰਸ਼ਕਾਂ ਲਈ ਇੱਕ ਖਿੱਚ ਭਰਪੂਰ ਮੁਕਾਬਲਾ  ਅਤੇ ਭਾਗੀਦਾਰਾਂ ਲਈ ਇੱਕ ਮਨੋਰੰਜਕ ਖੇਡ ਬਣ ਗਿਆ।