Latest news
ਅੰਮ੍ਰਿਤਪਾਲ ਦੀ ਹੈਰਾਨ ਕਰ ਦੇਣ ਵਾਲੀ ਨਵੀਂ LOOK ਆਈ ਸਾਹਮਣੇ! ਅਜਨਾਲਾ ਕਾਂਡ ਵਿੱਚ ਸ਼ਾਮਿਲ ਅੰਮ੍ਰਿਤਪਾਲ ਦੇ ਸਮਰਥਕਾਂ 'ਤੇ HC ਨੇ ਸੁਣਾਇਆ ਫੈਸਲਾ ਜਾਪਾਨ ਚ ਇੱਕ ਹਫਤੇ ਦੇ ਅੰਦਰ ਦੂਜੀ ਵਾਰ ਭੂਚਾਲ ਦੇ ਭਿਆਨਕ ਝਟਕੇ ਮਨੀਸ਼ਾ ਗੁਲਾਟੀ ਦੀ ਐਕਸਟੈਂਸ਼ਨ ਸੰਬੰਧਿਤ ਹਾਈ ਕੋਰਟ ਦਾ ਵੱਡਾ ਫੈਸਲਾ 'ਪੜ੍ਹੋ ਪੂਰਾ ਮਾਮਲਾ... ਪੰਜਾਬ ‘ਚ ਮਹਿਲਾਵਾਂ ਤੇ ਬੱਚਿਆਂ ਦੀ ਸੁਰੱਖਿਆ ਤੇ ਗੁਮਸ਼ੁਦਾ ਬੱਚਿਆਂ ਲਈ ਪੁਲਿਸ ਦੇ ਸਹਿਯੋਗ ਨਾਲ ‘ਚੈਟਬੋਟ’ ਲਾਂਚ ਐਚ.ਐਮ.ਵੀ. ਦੀ ਵਿਦਿਆਰਥਣ ਨੇ ਬੀਐਸਸੀ (IT.) ਸਮੈਸਟਰ-1 ਵਿੱਚ ਹਾਸਲ ਕੀਤਾ ਪਹਿਲਾ ਸਥਾਨ ਰਾਹੁਲ ਗਾਂਧੀ ਦੀਆਂ ਮੁਸ਼ਕਲਾਂ ਹੋਰ ਵਧੀਆਂ 'ਲੋਕ ਸਭਾ ਨਾਮਜ਼ਦਗੀ ਰੱਦ ਹੋਣ ਤੋਂ ਬਾਅਦ , 'ਬੇਦਖ਼ਲੀ ਨੋਟਿਸ' ਜਲੰਧਰ ਵਾਸੀਆਂ ਨੂੰ 100 ਕਰੋੜ ਰੁਪਏ ਦੇ ਵਿਕਾਸ ਪ੍ਰਾਜੈਕਟਾਂ ਦਾ ਤੋਹਫ਼ਾ-ਮੁੱਖ ਮੰਤਰੀ ਛਾਪਾ ਮਾਰਨ ਗਈ ਪੁਲਿਸ ਦੇ ਵੀ ਉੱਡੇ ਹੋਸ਼, ਥਾਈਲੈਂਡ ਤੋਂ ਲੜਕੀਆਂ ਲਿਆ ਕੇ ਕਰਵਾਉਂਦੇ ਸੀ ਧੰਦਾ ਅੰਮ੍ਰਿਤਪਾਲ ਦੀ ਨਵੀਂ ਸੈਲਫੀ ਆਈ ਸਾਹਮਣੇ, ਨੇਪਾਲ 'ਚ ਲੁਕਿਆ ਹੈ , ਭਾਰਤ ਦੀ ਨੇਪਾਲ ਸਰਕਾਰ ਨੂੰ ਅਪੀਲ - ਤੀਜੇ ਦੇਸ਼ ਨਾ ਭ...

ਕੇਸਰੀ ਵਿਰਾਸਤ

ਯੁੱਧ ਪ੍ਰਭਾਵਿਤ ਯੂਕਰੇਨ ‘ਚ ਫਸੇ 56 ਜਲੰਧਰੀਆਂ  ‘ਚੋਂ 16 ਸੁਰੱਖਿਅਤ ਪਰਤੇ 

ਵਿਦਿਆਰਥੀ ਕਰਨ ਨੇ ਖਾਰਕੀਵ ਵਿਖੇ ਰੂਸੀ ਫੌਜਾਂ ਵੱਲੋਂ ਲਗਾਤਾਰ ਹਮਲਿਆਂ ਦੌਰਾਨ ਮੁਸ਼ਕਲ ਹਾਲਾਤ ਬਾਰੇ ਕੀਤੇ ਇਹ ਖੁਲਾਸੇ

ਜਲੰਧਰ, 4 ਮਾਰਚ (ਕੇਸਰੀ ਨਿਊਜ਼ ਨੈੱਟਵਰਕ)- ਕਰਨ ਦੇ ਘਰ ਖੁਸ਼ੀ ਦਾ ਉਦੋਂ ਕੋਈ ਠਿਕਾਣਾ ਨਹੀਂ ਰਿਹਾ ਜਦੋਂ ਉਹ ਸ਼ੁੱਕਰਵਾਰ ਸਵੇਰੇ ਇੰਦਰਾ ਗਾਂਧੀ ਅੰਤਰਰਾਸ਼ਟਰੀ ਏਅਰਪੋਰਟ ਨਵੀਂ ਦਿੱਲੀ ਵਿਖੇ ਦੂਜੇ ਭਾਰਤੀ ਵਿਦਿਆਰਥੀਆਂ ਦੇ ਨਾਲ ਸੁਰੱਖਿਅਤ ਵਾਪਸ ਪਹੁੰਚਿਆ।

ਸਥਾਨਕ ਜ਼ਿਲ੍ਹਾ ਪ੍ਰਬੰਧਕੀ ਕੰਪਲੈਕਸ ਵਿਖੇ ਪ੍ਰਸ਼ਾਸਨ ਵੱਲੋਂ ਸਥਾਪਤ ਜ਼ਿਲ੍ਹਾ ਕੰਟਰੋਲ ਰੂਮ ਵਿੱਚ ਯੂਕਰੇਨ ਵਿੱਚ 56 ਵਿਦਿਆਰਥੀਆਂ ਦੇ ਫਸੇ ਹੋਣ ਬਾਰੇ ਜਾਣਕਾਰੀ ਪ੍ਰਾਪਤ ਹੋਈ ਸੀਜਿਨ੍ਹਾਂ ਵਿੱਚੋਂ 16 ਸ਼ੁੱਕਰਵਾਰ ਦੁਪਹਿਰ ਤੱਕ ਸੁਰੱਖਿਅਤ ਵਾਪਸ ਪਰਤ ਆਏ ਹਨ।

               ਕਰਨ ਦੇ ਪਿਤਾ ਗੁਰਦੀਪ ਲਾਲ, ਜੋ ਕਿ ਸਥਾਨਕ ਕਮਿਸ਼ਨਰੇਟ ਵਿਖੇ ਪੰਜਾਬ ਪੁਲਿਸ ਵਿੱਚ ਇੰਸਪੈਕਟਰ ਹਨਨੇ ਆਪਣੇ ਪੁੱਤਰ ਦਾ ਸਵਾਗਤ ਕਰਦਿਆਂ ਕਿਹਾ ਕਿ ਇਹ ਨਾ ਸਿਰਫ਼ ਉਨ੍ਹਾਂ ਲਈ ਸਗੋਂ ਯੁੱਧ ਪ੍ਰਭਾਵਿਤ ਯੂਕਰੇਨ ਤੋਂ ਪਰਤੇ ਆਪਣੇ ਬੱਚਿਆਂ ਨੂੰ ਮਿਲਣ ਵਾਲੇ ਸਾਰੇ ਮਾਪਿਆਂ ਲਈ ਖੁਸ਼ੀ ਦੇ ਪਲ ਹਨ। ਐਮ.ਬੀ.ਬੀ.ਐਸ. ਦੇ ਤੀਜੇ ਸਮੈਸਟਰ ਦੇ ਵਿਦਿਆਰਥੀ ਕਰਨ (22) ਨੇ ਖਾਰਕੀਵ ਵਿਖੇ ਰੂਸੀ ਫੌਜਾਂ ਵੱਲੋਂ ਲਗਾਤਾਰ ਹਮਲਿਆਂ ਦੌਰਾਨ ਮੁਸ਼ਕਲ ਹਾਲਾਤ ਬਾਰੇ ਵੀ ਦੱਸਿਆ। ਉਸ ਨੇ ਦੱਸਿਆ ਕਿ ਜਿਸ ਇਲਾਕੇ ਵਿੱਚ ਉਹ ਰਹਿ ਰਹੇ ਸਨਉੱਥੇ ਸਥਿਤੀ ਬਹੁਤ ਖਰਾਬ ਸੀ ਅਤੇ ਉਨ੍ਹਾਂ ਯੂਕਰੇਨ ਦੇ ਗੁਆਂਢੀ ਮੁਲਕਾਂ ਦੀਆਂ ਸਰਹੱਦਾਂ ਤੇ ਪਹੁੰਚ ਕੇ ਸੁੱਖ ਦਾ ਸਾਹ ਲਿਆ। ਉਸ ਨੇ ਦੱਸਿਆ ਕਿ ਅਸੀਂ ਹੰਗਰੀ ਦੀ ਸਰਹੱਦ ਤੇ ਪਹੁੰਚੇਜਿੱਥੋਂ ਭਾਰਤੀ ਅਥਾਰਟੀ ਨੇ ਉਨ੍ਹਾਂ ਦੀ ਸੁਰੱਖਿਅਤ ਵਾਪਸੀ ਕਰਵਾਈ। ਵਿਦਿਆਰਥੀਆਂ ਦੀ ਸੁਰੱਖਿਅਤ ਵਾਪਸੀ ਲਈ ਤਾਇਨਾਤ ਭਾਰਤੀ ਅਧਿਕਾਰੀਆਂ ਵੱਲੋਂ ਖਾਣ-ਪੀਣਰਹਿਣ-ਸਹਿਣ ਆਦਿ ਸਮੇਤ ਸਾਰੇ ਲੋੜੀਂਦੇ ਪ੍ਰਬੰਧ ਯਕੀਨੀ ਬਣਾਏ ਗਏ ਅਤੇ ਉਨ੍ਹਾਂ ਨੂੰ ਬਿਨਾਂ ਕਿਸੇ ਰੁਕਾਵਟ ਦੇ ਨਵੀਂ ਦਿੱਲੀ ਲਿਆਂਦਾ ਗਿਆ।

               ਯੂਕਰੇਨ ਵਿੱਚ ਫਸੇ ਹੋਰ ਵਿਦਿਆਰਥੀਆਂ ਦੀ ਜਲਦੀ ਅਤੇ ਸੁਰੱਖਿਅਤ ਵਾਪਸੀ ਦੀ ਕਾਮਨਾ ਕਰਦਿਆਂ ਗੁਰਦੀਪ ਲਾਲ ਨੇ ਕਿਹਾ ਕਿ ਜਲੰਧਰ ਦੇ ਡਿਪਟੀ ਕਮਿਸ਼ਨਰ ਵੱਲੋਂ ਜਾਣਕਾਰੀ ਇਕੱਤਰ ਕਰਨ ਤੇ ਭਾਰਤ ਸਰਕਾਰ ਨਾਲ ਸਾਂਝੀ ਕਰਨ ਲਈ ਕੰਟਰੋਲ ਰੂਮ ਸਥਾਪਤ ਕਰਨ ਖਾਤਰ ਤੁਰੰਤ ਕਾਰਵਾਈ ਅਮਲ ਵਿੱਚ ਲਿਆਂਦੀ ਗਈਜਿਸ ਨੇ ਯੂਕਰੇਨ ਵਿੱਚ ਫਸੇ ਵਿਦਿਆਰਥੀਆਂ ਦੀ ਸੁਰੱਖਿਅਤ ਵਾਪਸੀ ਨੂੰ ਯਕੀਨੀ ਬਣਾਇਆ।

               ਜਲੰਧਰ ਜ਼ਿਲ੍ਹੇ ਦੇ 16 ਵਿਦਿਆਰਥੀਆਂ ਦੀ ਦੋ ਪੜਾਵਾਂ ਵਿੱਚ ਵਾਪਸੀ ਤੇ ਡਿਪਟੀ ਕਮਿਸ਼ਨਰ ਘਨਸ਼ਿਆਮ ਥੋਰੀ ਨੇ ਦੱਸਿਆ ਕਿ ਕੁੱਲ 56 ਵਿਦਿਆਰਥੀਆਂ ਵਿੱਚੋਂ 15 ਪਹਿਲਾਂ ਹੀ ਪੋਲੈਂਡ ਦੀ ਸਰਹੱਦ ਤੇ ਅਤੇ 6 ਹੰਗਰੀ ਦੇ ਬਾਰਡਰ ਤੇ ਪਹੁੰਚ ਚੁੱਕੇ ਹਨਜਿਨ੍ਹਾਂ ਨੂੰ ਵੀ ਕੁਝ ਦਿਨਾਂ ਵਿੱਚ ਨਵੀਂ ਦਿੱਲੀ ਲਿਆਂਦਾ ਜਾ ਰਿਹਾ ਹੈ।

               ਘਨਸ਼ਿਆਮ ਥੋਰੀ ਨੇ ਦੱਸਿਆ ਕਿ ਜ਼ਿਲ੍ਹੇ ਦੇ ਚਾਰ ਵਿਦਿਆਰਥੀ ਰੋਮਾਨੀਆ ਵਿੱਚਇੱਕ ਜਰਮਨੀ ਵਿੱਚ ਅਤੇ ਤਿੰਨ ਸਲੋਵਾਕੀਆ ਵਿੱਚ ਹਨ। ਉਨ੍ਹਾਂ ਦੱਸਿਆ ਕਿ ਸੱਤ ਵਿਦਿਆਰਥੀ ਜ਼ਿਲ੍ਹੇ ਵਿੱਚ ਆਪਣੇ ਘਰਾਂ ਵਿੱਚ ਪਹੁੰਚ ਚੁੱਕੇ ਹਨ ਜਦਕਿ ਅੱਠ ਨਵੀਂ ਦਿੱਲੀ ਵਿਖੇ ਉਤਰੇ ਹਨ ਅਤੇ ਆਪਣੇ ਘਰਾਂ ਨੂੰ ਪਰਤਣ ਜਾ ਰਹੇ ਹਨ। ਇਨ੍ਹਾਂ ਤੋਂ ਇਲਾਵਾ ਇਕ ਵਿਦਿਆਰਥੀ ਅੰਮ੍ਰਿਤਸਰ ਪਹੁੰਚ ਗਿਆ ਹੈਜਦਕਿ ਸੱਤ ਅਜੇ ਵੀ ਖਾਰਕੀਵ ਤੇ ਪਿਸੋਚਿਨ ਅਤੇ ਇਕ ਲਵੀਵ ਸ਼ਹਿਰ ਵਿਚ ਫਸਿਆ ਹੋਇਆ ਹੈ।

               ਜ਼ਿਕਰਯੋਗ ਹੈ ਕਿ ਸ਼ੁੱਕਰਵਾਰ ਨੂੰ ਫਲਾਈਟ ਰਾਹੀਂ ਦਿੱਲੀ ਪਹੁੰਚਣ ਵਾਲਿਆਂ ਵਿੱਚ ਵਿਦਿਆਰਥੀ ਜੈਸਮੀਨ ਕੌਰਸੁਮਿਤ ਨਾਗਰਥਕਰਨ ਕਿਸ਼ੋਰਅਨੀਸ਼ ਕੁਮਾਰ ਬੱਧਨਗੌਰਵ ਲੂਥਰਾਵੰਦਨਾਹਰਪ੍ਰੀਤ ਜੱਸੀ ਅਤੇ ਵਿਕਰਮ ਸ਼ਰਮਾ ਸ਼ਾਮਲ ਹਨ। ਇਸੇ ਤਰ੍ਹਾਂ ਵਿਦਿਆਰਥੀ ਗੌਰਵ ਪਰਾਸ਼ਰਖੁਸ਼ਵਿੰਦਰ ਸਿੰਘਹਰਜੋਤ ਕੌਰ ਮੱਲ੍ਹੀਮਨਿੰਦਰ ਸਿੰਘਵਰੁਣ ਕੁਮਾਰ ਹਰਜਾਈਸ਼ਿਵਾਨੀ ਅਤੇ ਮਿਲਾਪ ਸਿੰਘ ਜਲੰਧਰ ਪਹੁੰਚ ਗਏ ਹਨ ਜਦਕਿ ਸਮੀਰ ਹੰਸ ਅੰਮ੍ਰਿਤਸਰ ਪਹੁੰਚ ਗਿਆ ਹੈ।

               ਜਾਣਕਾਰੀ ਦੇਣ ਲਈ ਹੈਲਪਲਾਈਨ ਨੰਬਰ: ਜ਼ਿਲ੍ਹਾ ਪ੍ਰਸ਼ਾਸਨ ਨੇ ਉਨ੍ਹਾਂ ਪਰਿਵਾਰਾਂਜਿਨ੍ਹਾਂ ਦੇ ਮੈਂਬਰ ਅਜੇ ਵੀ ਯੁੱਧ ਪ੍ਰਭਾਵਿਤ ਮੁਲਕ ਯੂਕਰੇਨ ਵਿੱਚ ਫਸੇ ਹੋਏ ਹਨਨੂੰ ਜ਼ਿਲ੍ਹਾ ਪੱਧਰ ਤੇ ਸਥਾਪਤ 24 ਘੰਟੇ ਕੰਟਰੋਲ ਰੂਮ 0181-2224417 ਅਤੇ 1100 ‘ਤੇ ਸੂਚਨਾ ਦੇਣ ਦੀ ਅਪੀਲ ਵੀ ਕੀਤੀ ।

Leave a Reply

Your email address will not be published. Required fields are marked *