You are currently viewing ਦਿੱਲੀ-ਐੱਨਸੀਆਰ ‘ਚ ਪ੍ਰਦੂਸ਼ਣ ਦੇ ਚਲਦੇ ਧੁੰਦ, ਜਾਰੀ ਹੋਇਆ ਅਲਰਟn

ਦਿੱਲੀ-ਐੱਨਸੀਆਰ ‘ਚ ਪ੍ਰਦੂਸ਼ਣ ਦੇ ਚਲਦੇ ਧੁੰਦ, ਜਾਰੀ ਹੋਇਆ ਅਲਰਟn

ਨਵੀਂ ਦਿੱਲੀ, 13 November (KNN): ਕੋਰੋਨਾ ਤੋਂ ਉਭਰਨ ਲਈ ਦਿੱਲੀ-ਐਨਸੀਆਰ ਵਿੱਚ ਸਕੂਲ ਅਜੇ ਵੀ ਪੂਰੀ ਤਰ੍ਹਾਂ ਖੁੱਲ੍ਹੇ ਨਹੀਂ ਸਨ, ਹਵਾ ਪ੍ਰਦੂਸ਼ਣ ਦੇ ਚਿੰਤਾਜਨਕ ਪੱਧਰ ਕਾਰਨ ਉਨ੍ਹਾਂ ਨੂੰ ਦੁਬਾਰਾ ਬੰਦ ਕਰਨ ਦੇ ਹਾਲਾਤ ਪੈਦਾ ਹੋ ਗਏ ਹਨ। ਇਮਾਰਤ ਉਸਾਰੀ ਦੇ ਕੰਮ ਅਤੇ ਡੀਜ਼ਲ ਵਾਹਨਾਂ ‘ਤੇ ਪਾਬੰਦੀ ਲੱਗਣ ਦਾ ਡਰ ਵੀ ਹ ਜੇਕਰ ਹਵਾ ਪ੍ਰਦੂਸ਼ਣ ਦਾ ਪੱਧਰ 48 ਘੰਟਿਆਂ ਤੱਕ ਘੱਟ ਨਹੀਂ ਹੁੰਦਾ ਹੈ ਤਾਂ ਸੀਪੀਸੀਬੀ ਦੀ ਸਬ-ਕਮੇਟੀ ਵੱਲੋਂ ਰਾਜ ਸਰਕਾਰਾਂ ਨੂੰ ਇੱਕ ਐਡਵਾਈਜ਼ਰੀ ਜਾਰੀ ਕੀਤੀ ਜਾਵੇਗੀ।ਗ੍ਰੇਡਡ ਰਿਸਪਾਂਸ ਐਕਸ਼ਨ ਪਲਾਨ (GRAPE) ਦੇ ਅਨੁਸਾਰ ਜੇਕਰ PM 2.5 ਅਤੇ PM 10 ਦਾ ਪੱਧਰ 48 ਘੰਟਿਆਂ ਲਈ ਕ੍ਰਮਵਾਰ 300 ਮਾਈਕ੍ਰੋਗ੍ਰਾਮ ਪ੍ਰਤੀ ਘਣ ਮੀਟਰ ਅਤੇ 500 ਮਾਈਕ੍ਰੋਗ੍ਰਾਮ ਪ੍ਰਤੀ ਘਣ ਮੀਟਰ ਤੋਂ ਉੱਪਰ ਰਹਿੰਦਾ ਹੈ, ਤਾਂ ਹਵਾ ਦੀ ਗੁਣਵੱਤਾ ਨੂੰ ਐਮਰਜੈਂਸੀ ਸ਼੍ਰੇਣੀ ਵਿੱਚ ਮੰਨਿਆ ਜਾਂਦਾ ਹੈ। ਗ੍ਰੇਪ ਦੇ ਚੌਥੇ ਪੜਾਅ ਅਨੁਸਾਰ ਦਿੱਲੀ ਵਿੱਚ ਜ਼ਰੂਰੀ ਵਸਤੂਆਂ ਨੂੰ ਛੱਡ ਕੇ ਡੀਜ਼ਲ ਵਾਲੇ ਟਰੱਕਾਂ ਦੀ ਐਂਟਰੀ ਰੋਕ ਦਿੱਤੀ ਜਾਵੇਗੀ। ਉਸਾਰੀ ਦੇ ਕੰਮ ‘ਤੇ ਪਾਬੰਦੀ ਹੋਵੇਗੀ।ਟਾਸਕ ਫੋਰਸ ਜਾਂ ਸਬ-ਕਮੇਟੀ ਇਹ ਵੀ ਫੈਸਲਾ ਕਰ ਸਕਦੀ ਹੈ ਕਿ ਸਕੂਲ ਨੂੰ ਬੰਦ ਕਰਨਾ ਹੈ ਜਾਂ ਕੋਈ ਵਾਧੂ ਕਦਮ ਚੁੱਕਣੇ ਹਨ। 

ਮੌਸਮ ਵਿਭਾਗ ਅਨੁਸਾਰ ਇੱਕ ਹਫ਼ਤੇ ਤੱਕ ਇਹ ਸਥਿਤੀ ਬਣੀ ਰਹੇਗੀ। ਅਗਲੇ ਤਿੰਨ-ਚਾਰ ਦਿਨਾਂ ਵਿੱਚ ਵੱਧ ਤੋਂ ਵੱਧ ਤਾਪਮਾਨ 24 ਅਤੇ ਘੱਟੋ-ਘੱਟ 10 ਡਿਗਰੀ ਸੈਲਸੀਅਸ ਤੱਕ ਹੇਠਾਂ ਆ ਜਾਵੇਗਾ। ਧੁੰਦ ਵੀ ਸੰਘਣੀ ਹੋ ਜਾਵੇਗੀ। ਇਸ ਸਮੇਂ ਦੌਰਾਨ ਹਵਾ ਦੀ ਗਤੀ ਵੀ ਪ੍ਰਦੂਸ਼ਕ ਕਣਾਂ ਨੂੰ ਬਾਹਰ ਕੱਢਣ ਲਈ ਕਾਫੀ ਨਹੀਂ ਹੋਵੇਗੀ। ਪਰਾਲੀ ਦਾ ਧੂੰਆਂ ਸਮੱਸਿਆ ਨੂੰ ਹੋਰ ਵਿਗਾੜ ਰਿਹਾ ਹੈ। ਹਵਾ ਪ੍ਰਦੂਸ਼ਣ ਦਾ ਇਹ ਖ਼ਤਰਨਾਕ ਪੱਧਰ ਵੀ ਕੋਰੋਨਾ ਦੀ ਲਾਗ ਨੂੰ ਵਧਾਉਣ ਦਾ ਕਾਰਕ ਬਣ ਸਕਦਾ ਹੈ। ਦੋ ਦਿਨਾਂ ਬਾਅਦ ਸਬ-ਕਮੇਟੀ ਦੀ ਮੁੜ ਮੀਟਿੰਗ ਸੰਭਵ ਹੈ, ਜਿਸ ਵਿੱਚ ਅਗਲੇਰੀ ਕਾਰਵਾਈ ਕੀਤੀ ਜਾਵੇਗੀ।

ਦਲਦੇ ਮੌਸਮ ਅਤੇ ਪ੍ਰਦੂਸ਼ਣ ਕਾਰਨ ਇੰਦਰਾ ਗਾਂਧੀ ਅੰਤਰਰਾਸ਼ਟਰੀ ਹਵਾਈ ਅੱਡੇ ‘ਤੇ ਵਿਜ਼ੀਬਿਲਟੀ ਘਟਣੀ ਸ਼ੁਰੂ ਹੋ ਗਈ ਹੈ। ਸ਼ੁੱਕਰਵਾਰ ਨੂੰ ਹਵਾਈ ਅੱਡੇ ਦੇ ਰਨਵੇਅ ‘ਤੇ ਘੱਟ ਵਿਜ਼ੀਬਿਲਟੀ ਸੀ, ਹਾਲਾਂਕਿ ਇਹ ਸੁੱਖ ਦੀ ਗੱਲ ਸੀ ਕਿ ਇਸ ਦਾ ਏਅਰਲਾਈਨਾਂ ‘ਤੇ ਕੋਈ ਅਸਰ ਨਹੀਂ ਪਿਆ।ਸ਼ੁੱਕਰਵਾਰ ਸਵੇਰੇ 5.50 ਵਜੇ ਰਨਵੇਅ ‘ਤੇ ਵਿਜ਼ੀਬਿਲਟੀ ਦਾ ਪੱਧਰ 600 ਮੀਟਰ ਸੀ ਪਰ ਕਰੀਬ ਢਾਈ ਘੰਟੇ ਬਾਅਦ ਵਿਜ਼ੀਬਿਲਟੀ ਦਾ ਪੱਧਰ 500 ਮੀਟਰ ਤੱਕ ਘੱਟ ਗਿਆ। ਜਾਣਕਾਰੀ ਮੁਤਾਬਕ ਸ਼ੁੱਕਰਵਾਰ ਨੂੰ ਏਅਰਪੋਰਟ ਦੇ ਆਲੇ-ਦੁਆਲੇ ਵੱਧ ਤੋਂ ਵੱਧ ਵਿਜ਼ੀਬਿਲਟੀ 800 ਮੀਟਰ ਸੀ। ਆਮ ਤੌਰ ‘ਤੇ ਏਅਰਪੋਰਟ ‘ਤੇ ਵਿਜ਼ੀਬਿਲਟੀ 1000 ਮੀਟਰ ਤੋਂ ਜ਼ਿਆਦਾ ਹੋਣੀ ਚਾਹੀਦੀ ਹੈ। ਇਸ ਘੱਟ ਵਿਜ਼ੀਬਿਲਟੀ ਕਾਰਨ ਜਹਾਜ਼ ਦੇ ਸੰਚਾਲਨ ‘ਚ ਦਿੱਕਤ ਆ ਰਹੀ ਹੈ।