Bus driver's son today is KGF star Yash,fees in crores

ਮਨੋਰੰਜਨ ਡੈਸਕ (ਕੇਸਰੀ ਨਿਊਜ਼ ਨੈੱਟਵਰਕ)- ਤੁਸੀਂ ਸਾਊਥ ਦੇ ਰੌਕਿੰਗ ਸਟਾਰ 
ਯਸ਼ ਦੀਆਂ ਫਿਲਮਾਂ ਦੇਖੀਆਂ ਹੋਣਗੀਆਂ। ਭਾਵੇਂ ਤੁਸੀਂ ਬਾਕੀ ਫਿਲਮਾਂ ਨਹੀਂ ਦੇਖੀਆਂ, 
ਤੁਸੀਂ KGF ਜ਼ਰੂਰ ਦੇਖੀ ਹੋਵੇਗੀ।
KGF ਚੈਪਟਰ 1 ਰਾਹੀਂ ਸਕ੍ਰੀਨ ਨੂੰ ਅੱਗ ਲਗਾਉਣ ਤੋਂ ਬਾਅਦ ਯਸ਼ ਇਕ ਵਾਰ ਫਿਰ
ਐਕਸ਼ਨ ਐਂਟਰਟੇਨਰ ਨਾਲ ਧਮਾਲ ਮਚਾਉਣ ਲਈ ਤਿਆਰ ਹਨ। KGF ਚੈਪਟਰ 
2 ਅਗਲੇ ਮਹੀਨੇ 14 ਅਪ੍ਰੈਲ ਨੂੰ ਰਿਲੀਜ਼ ਹੋ ਰਹੀ ਹੈ। ਯਸ਼ ਦਾ ਪਾਵਰ ਪੈਕ 
ਐਕਸ਼ਨ ਪੈਕ ਨਾਲ ਭਰੀ ਇਹ ਤੀਬਰ ਡਰਾਮਾ ਬਾਕਸ ਆਫਿਸ 'ਤੇ ਫਿਰ ਤੋਂ 
ਤਬਾਹੀ ਮਚਾ ਸਕਦਾ ਹੈ।

ਕੰਨੜ ਫਿਲਮ ਇੰਡਸਟਰੀ ਦੇ ਸਭ ਤੋਂ ਵੱਧ ਕਮਾਈ ਕਰਨ ਵਾਲੇ ਅਦਾਕਾਰਾਂ ਦੀ ਸੂਚੀ
ਵਿੱਚ ਸ਼ਾਮਲ ਯਸ਼ ਲਈ ਸਫਲਤਾ ਦੇ ਇਸ ਮੁਕਾਮ ਤੱਕ ਪਹੁੰਚਣਾ ਇੰਨਾ ਆਸਾਨ
ਨਹੀਂ ਸੀ।ਯਸ਼ ਨੇ ਕਾਮਯਾਬ ਹੋਣ ਲਈ ਸਖ਼ਤ ਮਿਹਨਤ ਕੀਤੀ ਹੈ। ਫਿਰ, ਫਿਲਮ
ਕੇਜੀਐਫ ਦੀ ਬਦੌਲਤ, ਉਹ ਇੱਕ ਪੈਨ ਇੰਡੀਆ ਸਟਾਰ ਬਣ ਗਿਆ। 

ਇਹ ਰਿਪੋਰਟ ਦੱਸਦੀ ਹੈ ਕਿ ਕਿਵੇਂ ਇੱਕ ਮੱਧ ਵਰਗ ਪਰਿਵਾਰ ਨਾਲ ਸਬੰਧਤ ਯਸ਼ ਦਾ
ਅਸਲੀ ਨਾਂ ਨਵੀਨ ਕੁਮਾਰ ਗੌੜਾ ਹੈ। ਉਹ ਆਪਣੇ ਸਟੇਜ ਨਾਮ ਯਸ਼ ਨਾਲ ਪ੍ਰਸਿੱਧ
ਹੈ। ਯਸ਼ ਦਾ ਜਨਮ ਕਰਨਾਟਕ ਦੇ ਹਸਨ ਜ਼ਿਲ੍ਹੇ ਵਿੱਚ ਸਥਿਤ ਬੂਵਨਹੱਲੀ ਪਿੰਡ ਵਿੱਚ
 ਇੱਕ ਮੱਧਵਰਗੀ ਪਰਿਵਾਰ ਵਿੱਚ ਹੋਇਆ ਸੀ। ਉਸਦੇ ਪਿਤਾ ਨੇ ਟਰਾਂਸਪੋਰਟ ਸਰਵਿਸ
ਵਿੱਚ ਕੰਮ ਕੀਤਾ ਉਹ BMTC ਟਰਾਂਸਪੋਰਟ ਵਿਚ ਸਰਵਿਸ ਕਰਦੇ ਰਹੇ। ਖਬਰਾਂ ਮੁਤਾਬਕ
ਯਸ਼ ਦੇ ਪਿਤਾ ਅਜੇ ਵੀ ਬੱਸ ਡਰਾਈਵਰ ਹਨ,ਜਦਕਿ ਉਨ੍ਹਾਂ ਦਾ ਬੇਟਾ ਇੰਨਾ ਵੱਡਾ 
ਸਟਾਰ ਹੈ।

ਯਸ਼ ਦੀ ਮਾਂ ਇੱਕ ਘਰੇਲੂ ਔਰਤ ਹੈ। ਯਸ਼ ਦਾ ਬਚਪਨ ਮੈਸੂਰ ਵਿੱਚ ਬੀਤਿਆ। ਉਥੇ
ਉਸਨੇ ਮਹਾਜਨ ਐਜੂਕੇਸ਼ਨ ਸੋਸਾਇਟੀ ਤੋਂ ਪ੍ਰੀ ਯੂਨੀਵਰਸਿਟੀ ਕੋਰਸ ਕਰਨ ਤੋਂ ਬਾਅਦ, 
ਯਸ਼ ਬੇਨਾਕਾ ਨਾਟਕ ਮੰਡਲੀ ਵਿੱਚ ਸ਼ਾਮਲ ਹੋ ਗਿਆ।

ਯਸ਼ ਨੇ ਆਪਣਾ ਅਦਾਕਾਰੀ ਕਰੀਅਰ 2005 ਵਿੱਚ ਟੀਵੀ ਸੀਰੀਅਲ ਨੰਦਾ ਗੋਕੁਲਾ 
ਨਾਲ ਸ਼ੁਰੂ ਕੀਤਾ। ਇਸ ਤੋਂ ਬਾਅਦ ਉਹ ਮਲੇਬਿੱਲੂ 'ਮੁਕਥਾ' ਅਤੇ ਪ੍ਰੀਤੀ 
ਇਲਾਦਾ ਮੇਲੇ ਵਰਗੇ ਕਈ ਸ਼ੋਅ'ਚ ਨਜ਼ਰ ਆਏ।

ਸ਼ੁਰੂਆਤ 'ਚ ਯਸ਼ ਨੇ ਆਪਣੀ ਪਛਾਣ ਬਣਾਉਣ ਲਈ ਕਾਫੀ ਸੰਘਰਸ਼ ਕੀਤਾ। ਉਹ
ਛੋਟੀਆਂ ਭੂਮਿਕਾਵਾਂ ਵਿੱਚ ਦਿਖਾਈ ਦਿੰਦਾ ਸੀ। ਯਸ਼ ਦੀ ਕਮਰਸ਼ੀਅਲ ਸੋਲੋ ਹਿੱਟ 
ਫਿਲਮ ਸਾਲ 2010 ਵਿੱਚ ਆਈ ਸੀ। ਫਿਲਮ ਦਾ ਨਾਮ ਸੀ ਮੋਡਲਸਾਲਾ। ਇਸ ਤੋਂ 
ਬਾਅਦ ਉਸ ਦਾ ਕਰੀਅਰ ਚਮਕਣ ਲੱਗਾ।

ਉਹ ਫਿਲਮ ਰਾਜਧਾਨੀ ਵਿੱਚ ਨਜ਼ਰ ਆਏ, ਇਸ ਨੂੰ ਚੰਗੀ ਸਮੀਖਿਆ ਮਿਲੀ।
ਉਸ ਦੇ ਪ੍ਰਦਰਸ਼ਨ ਦੀ ਵੀ ਤਾਰੀਫ ਹੋਈ। ਇਸੇ ਸਾਲ ਉਨ੍ਹਾਂ ਦੀ ਫਿਲਮ ਕਿਰਤਕਾ 
ਆਈ। ਜਿਸ ਨੂੰ ਵਪਾਰਕ ਸਫਲਤਾ ਮਿਲੀ।

ਯਸ਼ ਦੀਆਂ ਹਿੱਟ ਫਿਲਮਾਂ ਵਿੱਚ ਲੱਕੀ, ਜਾਨੂ, ਡਰਾਮਾ, ਗੁਗਲੀ, ਮਿ. ਅਤੇ ਮਿਸਿਜ਼
,ਮਾਚਾਰੀ, ਮਾਸਟਰਪੀਸ ਵਰਗੀਆਂ ਫਿਲਮਾਂ ਸ਼ਾਮਿਲ ਹਨ। ਫਿਲਮਾਂ ਵਿਚ ਬੈਕ ਟੂ ਬੈਕ
ਹਿੱਟ ਫਿਲਮਾਂ ਨੇ ਯਸ਼ ਨੂੰ ਸੈਂਡਲਵੁੱਡ ਦਾ ਸਭ ਤੋਂ ਵੱਧ ਕਮਾਈ ਕਰਨ ਵਾਲਾ ਅਦਾਕਾਰ
ਬਣਾ ਦਿੱਤਾ। ਉਨ੍ਹਾਂ ਦੀਆਂ ਫਿਲਮਾਂ ਨੂੰ ਸਫਲਤਾ ਦੀ ਗਾਰੰਟੀ ਮੰਨਿਆ ਜਾਂਦਾ ਸੀ।

ਯਸ਼ ਦੀ ਕਿਸਮਤ 'ਚ ਇੰਨੀ ਪ੍ਰਸਿੱਧੀ ਕਾਫੀ ਨਹੀਂ ਸੀ,ਉਸ ਨੂੰ ਹੋਰ ਕਾਮਯਾਬੀ ਮਿਲਣੀ
ਸੀ। ਫਿਰ ਸਾਲ 2018 'ਚ ਯਸ਼ ਦੀ ਫਿਲਮ KGF ਆਈ, ਇਸ ਫਿਲਮ ਨੇ
ਖੂਬ ਬਵਾਲ ਕੱਟਿਆ। ਜਲਦੀ ਹੀ ਯਸ਼ ਪੂਰੇ ਦੇਸ਼ ਦਾ ਚਹੇਤਾ ਸਟਾਰ ਬਣ ਗਿਆ।

ਯਸ਼ ਨੇ ਰੌਕੀ ਬਣ ਕੇ ਪ੍ਰਸ਼ੰਸਾ ਜਿੱਤੀ। ਵੱਡੇ-ਬਜਟ ਵਾਲੀ ਵੱਡੀ ਫਿਲਮ KGF ਕੰਨੜ
ਸਿਨੇਮਾ ਦੀ ਸਭ ਤੋਂ ਵੱਧ ਕਮਾਈ ਕਰਨ ਵਾਲੀ ਫਿਲਮ ਬਣ ਗਈ। ਫਿਲਮ ਨੂੰ
ਸਮੁੱਚੇ ਭਾਰਤ ਵਿੱਚ ਸਫਲਤਾ ਮਿਲੀ।

ਪ੍ਰਸ਼ੰਸਕਾਂ ਨੂੰ ਉਮੀਦ ਹੈ ਕਿ KGF ਚੈਪਟਰ 2 ਤੋਂ ਬਾਅਦ ਯਸ਼ ਦੀ ਸਫਲਤਾ ਦਾ ਗ੍ਰਾਫ
ਹੋਰ ਉੱਚਾਈਆਂ 'ਤੇ ਪਹੁੰਚਣ ਵਾਲਾ ਹੈ। ਖਬਰਾਂ ਮੁਤਾਬਕ ਯਸ਼ ਇਕ ਫਿਲਮ ਲਈ 
15 ਕਰੋੜ ਰੁਪਏ ਲੈਂਦੇ ਹਨ। ਹੁਣ ਜੇਕਰ ਤੁਸੀਂ ਯਸ਼ ਦੀ ਮਿਹਨਤ,ਪ੍ਰਤਿਭਾ ਅਤੇ 
ਸਟਾਰਡਮ ਨੂੰ ਦੇਖਦੇ ਹੋ ਤਾਂ ਉਸ ਦੀ ਫੀਸ ਜਾਇਜ਼ ਲੱਗਦੀ ਹੈ।

ਯਸ਼ ਦਾ ਵਿਆਹ ਸਾਬਕਾ ਕੰਨੜ ਅਦਾਕਾਰਾ ਰਾਧਿਕਾ ਪੰਡਿਤ ਨਾਲ ਹੋਇਆ ਹੈ।ਲੰਬੇ
ਸਮੇਂ ਤੱਕ ਰਿਲੇਸ਼ਨਸ਼ਿਪ 'ਚ ਰਹਿਣ ਤੋਂ ਬਾਅਦ ਦੋਹਾਂ ਨੇ ਆਪਣੇ ਰਿਸ਼ਤੇ ਨੂੰ
ਆਫੀਸ਼ੀਅਲ ਕਰ ਦਿੱਤਾ। ਉਨ੍ਹਾਂ ਦਾ ਵਿਆਹ 9 ਦਸੰਬਰ 2016 ਨੂੰ ਹੋਇਆ ਸੀ। 
ਇਸ ਵਿਆਹ ਤੋਂ ਜੌੜੇ ਦੇ ਦੋ ਬੱਚੇ ਹਨ। ਰਾਧਿਕਾ ਅਤੇ ਯਸ਼ ਪਹਿਲੀ ਵਾਰ ਟੈਲੀ 
ਸੀਰੀਅਲ ਨੰਦਾ ਗੋਕੁਲ ਵਿੱਚ ਮਿਲੇ ਸਨ। ਇਸ ਤੋਂ ਬਾਅਦ ਉਨ੍ਹਾਂ ਨੇ ਡੇਟ ਕੀਤਾ।
ਉਹ ਕਈ ਫਿਲਮਾਂ ਵਿੱਚ ਵੀ ਇਕੱਠੇ ਨਜ਼ਰ ਆ ਚੁੱਕੇ ਹਨ।

ਯਸ਼ ਨਾਲ ਵਿਆਹ ਤੋਂ ਬਾਅਦ ਰਾਧਿਕਾ ਨੇ ਐਕਟਿੰਗ ਤੋਂ ਬ੍ਰੇਕ ਲੈ ਲਿਆ ਸੀ।
ਉਸਨੇ ਨਿੱਜੀ ਜੀਵਨ 'ਤੇ ਧਿਆਨ ਦੇਣ ਦਾ ਫੈਸਲਾ ਕੀਤਾ।